253 marta körilgan

Bulut kabi tözğiydi ruhim

Bulut kabi tözğiydi ruhim

Xayol iskanjasida

 

Birin quvsam, birin avrasam,

Paydo bölar yana boşqasi.

Qay birida içgayman qasam,

Biri taniş – otning qaşqasi.

 

Bulut kabi tözğiydi ruhim,

Ham ayrilib qolganman huşdan.

Ozod sözlar diydori uçun,

Qaytgaydirman boği behiştdan.

 

Toğ boşida qorday erirman,

Sayr etarman nazmiy yelkanda.

Qoq tunlari boşim örnida

Xayol ösib çiqar yelkamdan.

 

 

 

* * *

Xayol közgusiga darz ketar bir dam,

Yaqinlaşib kelar har neki yiroq.

Bir-biriga işqab çaqmoqtoşini

Yuragimni yoqar momoqaldiroq.

 

Bulutlar laşkarin quvmoqlik uçun,

Bahor qamçi bosar uçqur otiga.

Netay, quloq tutgim keladi mening

Yiğloqi yomğirlar munojotiga.

 

 

 

* * *

Tandirida non yopyaptimi,

Sigirini soğyaptimi yo.

Parvo qilmas qönğiroqlarga

Taşvişlarga kömilgan ayol.

 

Xayolida yaqinlar yodi,

Yopgan nonin taftidek qaynoq.

Sutdek halol bilib dunyoni,

Dasturxonga tortadi qaymoq.

 

Kuzatarkan taraddud bilan,

Farzandlarin sevgan işiga.

Manfaatin öylaş özining

Yetti uxlab kirmas tuşiga.

 

Anglar mehr körsatsa dildan,

Yuraklardan ğam arişini.

U biladi şu mehr bilan

Odamzodni qutqarişini.

 

 

 

 

* * *

Barglarni uçirgan şamollar telba,

Boğlarni kuydirar olov nafasi.

Oltin sirğasini öğirlatgan kuz

Ö, sen xazonlarning muqaddas fasli.

 

Yomğirlar suhbatin tinglar sukunat,

Daraxtlar çökkalab öylaydi betin.

Bunçalar öjarsan, Osmon, yaxşiyam –

Yurak injiqligin kötaradi tun.

 

Tonggaça fursat bor öylamoqlikka,

Biror ilinj bordir balki tuşlarda.

Tağin xayollarim tuşarlar yölga,

Tongda parvozga şay turgan quşlarday.

 

 

* * *

Uzunoyoq yöllar pisandmas devdim,

Qani, şu yöllarda sargardon bölsam.

Ota, dalangiz ham odam könglini

Odamdan ortiqroq olarkan, bilsam.

 

Bunda borliqning-da uyqusi uyğoq,

Bir-birini körmas bedor kipriklar.

Köz közga tuşganda har uyğonguvçi

Mehr köngillarni boğlar köpriklar.

 

Halol luqma bilan qotgan har gavda,

Kesaklarni sizlab silagan qöllar.

Ingiçka egatlar bor böyigaça

Çizilgan çiziqdan çiqmagan yöllar.

 

Dardin bölişganda taʼnasi yöq heç,

Buğdoyi ustiga yopar tönini.

Bunça oqibatli bölmasa bular,

Mehr bilan tuproq oğa-inimi?!

 

Oy bilan yölma-yöl kelib dalaga,

Öngida şirin tuş körganin aytar.

Qoronğulik mutloq hokim pallada,

Ortga qaray-qaray iziga qaytar.

 

Uzunoyoq yöllar pisandmas devdim,

Qani, şu yöllarda sargardon bölsam.

Ota, dalangiz ham odam könglini

Odamdan ortiqroq olarkan, bilsam.

 

Nilufar UMAROVA

 1972-yili tuğilgan.

Qarşi davlat universitetining özbek filologiyasi fakultetini tamomlagan. “Köngil rozlari”, “Duogöy yomğir”, “Xayol közlari” kabi kitoblari naşr etilgan.

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.