3 daqiqada öqiladi

419 marta körilgan

Könglingdan özgaga quloq solmagin

Behzod Fazliddin

                   UZUN ORZU

Birdan qanot ösib çiqsa yelkamdan,

Uçsam. Hammasini unutsam. Ketsam.

Asar ham qolmasa şum kölankamdan,

Armon yetolmagan manzilga yetsam.

 

Quvib tutolmasa ortimdan laʼin,

Muhabbat örtada bölmasa dallol.

Xuddi şu eng maqbul, töğri yöldayin –

Uçişim heç kimga kelmasa malol.

 

                        * * *

Behuda çiqillab toliqdi soat,

Lahzalar karvoni bölolmadi jam.

Qiyofa jangidan çekindi surat,

Özini kutişdan töymadi Odam.

 

Yillar oqib ketdi – yuzlari sölğin,

Taʼmini yöqotgan tuyğular taxir.

Tongni bedor kutdi bezovta, dilxun,

Ilinjning ölgisi kelmaydi, axir.

 

Qadarda boriga qilmadi zarda,

Sözlasa, sukutdan baland sözladi.                      

Va lekin eng sönggi soniyalarda

Ilinib qolmasa edi közlari…

 

                        * * *

Kunduzning rizqi bor tunning ortida,

Kimlarning baxti but kimning dardida,

Tentirab yuribman sözlar yurtida –       

Haqiqat aralaş, yolğon aralaş.

 

Kunda nafs otiga tilarman tözim,

Goh könglim aldaydi, gohida közim,

Qovrilib yotibman özimda özim –

Muhabbat aralaş, isyon aralaş.

 

Uzilib-uzilmas işonç iplari,

Ayovsiz otilar balo töplari,

Ruhimda evriliş talotöplari –

Eʼtiqod aralaş, gumon aralaş.

 

Bötaday bözlayman, toyday kişnayman,

На асал ялайман, на тош тишлайман,

Birda sarğayaman, birda yaşnayman –

Umrimda Hamalu Mezon aralaş.

 

 

                        * * *

Qörqmaysizmi, tuşingizga kirmay qöysam,

Xayolingiz bilan suhbat qurmay qöysam,

Könglingizning köçasida yurmay qöysam,

Qörqmaysizmi?

 

Borligimni bilasiz-u, bilmasdaysiz,

Zorligimni bilasiz-u, bilmasdaysiz,

Muştoqsiz-u, lek nazarga ilmasdaysiz,

Bilmasdaysiz.

Kunni tunga, tunni kunga aylantirdim,

Dil şörlikni bir majnunga aylantirdim,

Közlarimni öçmas unga aylantirdim,

Öylantirdim.

 

Atirgulning yaproğidan tikoni köp,

Yaratganning biz bilmagan irfoni köp,

Omon bölsak, yaşamakning imkoni köp,

Imkoni köp…

 

 

                        * * *

Közni yumib sevdim, sevib köz oçdim,

Köhna iztirobdan yangi söz oçdim.

Bir Quyoş aylanar qoraçiğimda,

Otaşin ufqlarga qayta yuz oçdim.

 

Pokiza gödakdek jilmayar dunyo,

Sevgimning kaftida ulğayar dunyo.

Azonday beozor uyğotib tongni,

Muqaddas buloqda yuz çayar dunyo.

 

Şamol quloğimga şivirlaydi şeʼr,

Yurakka hamohang entikmoqda yer.

Mudragan olamga hayratlar soçib,

Oşkor bölayotir ön sakkiz yoş sir.

 

 

                        * * *

Közlarimga işon, qöllaringni ber,

Axir, ğamlaringni tugatmoqçiman.

Özim bilmayman-u, lekin, baribir,

Men senga yaşaşni örgatmoqçiman.

 

Kel, ilmi uşşoqni özlaştiraylik,

Birga najot topsin bu yarimjonlar.

Orzuning ismini özgartiraylik,

Imkonlar navbatda turar, imkonlar.

 

Könglingdan özgaga quloq solmagin,

Çorla, bezovta qil, tuşlarimga kir.

Ammo aro yölda turib olmagin,

Faqat ketmasingga meni işontir.

 

 

                        * * *

Çiqib ketsa edi şu iblis qondan,

Söng topa olmasa manguga izim.

Bir Hayot boşlasam öşal hur ondan,

Öz oldimda şuvut bölmasa yuzim.

 

Qaytadan tozarsam – sevsam qaytadan,

Çalğitmasa maşʼum xayollar bir zum,

Arş sari zinalar qöysam tavbadan,

Saodat asrini eslatsa umrim…

 

 

                           * * *

Bu qaro dard yopişdi qaydan,

Oppoq ğamlarimni soğindim.

Ketgim kelar ğurbatsaroydan,

Pokroq damlarimni soğindim.

 

Bardoş oti hansirab borar,

Vujud ne deb aljirab borar?

Qaroğlarim qovjirab borar,

Çaşmi namlarimni soğindim.

 

Jon ipidan otaş yaratgan,

Özi nurab ziyo taratgan,

Dovullarni esankiratgan –

Öçmas şamlarimni soğindim.

 

Xilqat bormi undan nafisroq,

Muhabbatga bir oz xasisroq,

Jondan yaqin, jondan azizroq

Allakimlarimni soğindim.

 

                        * * *

Ne hikmat dilingning yaroliğida,

Beadoğ taxayyul yöliga jim boq.

Kutiş va kuttiriş oraliğida

Yigirma yil ötdi – qolgani jumboq.

 

Nimadir yetmadi, yana, kimdir kam,

Balki, omadsizlik edi omadim.

Ulgursa bölardi tozarişga ham,

Yaşaşni bildim-u, yaşay olmadim.

 

Gohi uyaltirib, gohi uyalib

Birma-bir jon berdi daqiqalarim.

Şunçalar işondim, keldim suyanib –

Haqqa eltgaymikan haqiqatlarim?

Behzod FAZLIDDIN

“Yoşlik”2012/7

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (375)