418 marta körilgan

Bobo quyoş siylagan zamin

Gulzoroy Abduvosiyeva

Vatan

Bobo quyoş siylagan zamin,

Pahlavonlar ulğaygan tuproq.

Baxtga oşno oğuşingda har

Gulu rayhon, giyohu yaproq.

Nur emadi bağringdan yulduz,

Jamolingdan xijolatda oy.

Tandiringda pişgan kulçadan

Qiyos olgan oftob, hoynahoy.

Otajonim mehridasan jam,

Onajonim kulgusidasan.

Butun olam yuziga boqib

Öxşaşingni topolmam, Vatan.

Quçoğingda hayqirib oqqan

Anhorlardek jöşar tanda qon.

Yuragimning ovozidasan,

Mangu bor böl, Vatan – onajon!

Soğinç

Yuragimda tuğyon urgan hislarim,

Ona yurtim tomon qoqingiz qanot.

Köhna Surxonimda qolgan izlarim:

Bir gözal xotira, soğinç umrbod.

Tandirdan non uzgan onam yuzidan

Öpib qöyarkanman, kuyar dudoğim.

Qirqkokil singillar halinçak uçar,

Yodimga soladi bolalik çoğim.

Bulbullar kuyidan uyğonar Surxon,

Sangardak şovvasi şeʼrimga gultoj.

Momojon, men yana savol berayin,

Xotira sandiğing qizğanmasdan oç.

Baxtdan guvillaydi Surxon quçoği,

Toğlar saf-saf turar bağrini oçib.

Men esa hislarim, ey ona diyor,

Yöllaringda guldek boryapman soçib…

Gulzoroy Abduvosiyeva

1996-yili tuğilgan.                                                                                                           

Özbekiston davlat jahon tillari universitetida tahsil olmoqda. “Quyoşdan rang olganman”, “Bahor çertdi yurak torimni”  şeʼriy töplamlari çop etilgan.

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.