592 marta körilgan

Mitti yulduz miltirar

Muruvvatxon Ğafforjonova

Qaldirğoç

Bugun olis makonga

Uçib ketdi qaldirğoç.

Loy kosali inidan,

Köçib ketdi qaldirğoç.

Kuzning olov yomğiri,

Tegdimikan joniga,

Şu yomğirga dardini

Soçib ketdi qaldirğoç.

Kelib atay yonimga,

Ilhomni öğirladi.

“Bahorgaça!” dedi-yu,

Qoçib ketdi qaldirğoç!

Rangin dunyo

Şoir asli musavvir demak,

Çizar rangin dunyo tasvirin.

Har yaproqda ilohiyat bor,

Har bir toşda rang bor yaşirin.

Kör istagan rangiga böyar,

Xayolida butun dunyoni.

Kimdir çizmoq böladi nuqul

Maʼnisi yöq, rangsiz röyoni.

Körmoq emas, his etiş kerak,

Şudir bizga azaliy saboq:

“Dunyo qadim rangindir va biz

Öylagandan köra ranginroq!”*

Ulgurmoqlik kerakdir vaqtning

Çalinmasdan oxirgi zangi.

Biz dunyoni çiza olamiz,

Oq bölsa bas könglimiz rangi!

Umid

Mitti yulduz miltirar

Olis osmon bağrida.

Eng sönggi umid misol

Umidsizlik qaʼrida.

Xazonrezgi boğlar, kuz,

Dilni kömadi savol.

Sönggi yaproq hilpirar,

Eng sönggi umid misol.

Kimga ne joiz, bilmam,

Menga baxt, quvonç kerak.

Yetmoq uçun manzilga

Mustahkam işonç kerak.

Faqat olğa bormoq şart,

Bölsa-da yölda xatar.

Sönggi umid manzili,

Sönggi nafasga qadar!

Çittigul

Çittigulim, çittigul,

Mittigina, mitti gul.

Hasratlaşamiz birga,

Dilda bardoş bitdi, gul.

Böying onam böyiday,

Mungli nayning kuyiday.

Şabnammi közyoşlaring,

Seni kim ranjitdi, gul?

Bölib qolsa barging çang,

Xömrayadi gulğunçang.

Holim yomon, holim tang –

Dil hijronni totdi, gul.

Köngil nega xijilroq,

Gulbarglaring qizil, oq.

Senga taniş qizaloq

Ön yettiga yetdi, gul!..

1941-yil

Poyingga tiz çökib, sevgilim,

Men ham dilroz aytaman dedim.

Jang maydoni çorladi seni,

Vaʼda berding, “Qaytaman!” deding.

Seni kutar qirğinbarot jang,

Men qanday jim öltiraman-a?..

Ketar çoğing dedim çimrilib:

“Agar ölsang, öldiraman-a?!”

“Poyingga tiz çökay, sevgilim…”

Bitdim kunu tunlar ora xat

Menga omon bölsang bas edi,

Kelmasa bas edi qoraxat.

Poyingga tiz çökay, sevgilim

Qolayapsan neçun keçikib…

Kutib oldim ön sakkizimni

Sensiz juda-juda içikib.

Qaytding…

Qaytding, faqat oyoqlaring yöq,

Meni yengdi, qayğular yengdi!

Jilmaygança deding:

“Poyingda,

Bir umr tiz çökaman endi…”

Muruvvatxon Ğafforjonova

1998-yili Farğona şahrida tuğilgan. Hozirda Farğona kompyuter texnologiyalari kasb-hunar kollejida tahsil oladi.

“Yurt kelajagi – 2015” respublika körik-tanlovi ğolibi.

“Yoşlik” jurnaliga obuna böling · indeks 822

Obuna haqida

Izohlar (1)

  1. Döstbek

    Qoyil hoziram ijodini davom ettiryaptimikin

Siz nima deysiz?

Izoh tahririyat körib çiqqaç, eʼlon qilinadi.

Oldingi
Keyingi

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.