110 marta körilgan

Yurak yaşar vijdonimga aytib uzr…

Şukrullo Şeraliyev

Örtama

Örtama bağirni, ey pari,

Hiqillab köksimga qöyma boş.

Bilasan, soğinçim – zangori,

Köz yoşim olovga qarindoş.

Tovlanar yulduzdek nigohing,

Quçadi nurafşon köz meni.

Yomğirga ağdarib gunohin,

Uyalmay sevadi kuz meni.

Mening-ku bilganim keng dala,

Bejirim soy taraf saharlar.

Ruhimga murakkab masala,

Yölimga mahliyo şaharlar.

Kulasan, çorlaydi qaroğing,

Boraman közlarim möltirab.

Qaytaman, qiynaydi firoğing,

Nima dey?

Qolgani – iztirob.

Örtama bağirni, ey pari,

Laʼnati soğinçga egma boş.

Bilasan, hislarim – zangori,

Yuragim olovga qarindoş.

Oftob yotar

Oftob yotar nur yastangan egatlarda,

Bu manzara qalbimga gul taqqan edi.

Yoşligimda şu quyoşli dalalarda

Onam bizni paxta terib boqqan edi.

Söyla, osmon, senga qarab turganimda,

Yaşaş qiyin bu olamda köngil tölib.

Şeʼr yozmasdan borib buğdoy örganimda,

Balki, men ham ketarmidim baxtli bölib.

Yaylovlarda asov otlar dumalagan,

Tabassumga undab turar dillarimni.

Kaftimdagi kapalakni quvalagan

Yillarimni soğinaman, yillarimni.

Yurak yaşar vijdonimga aytib uzr,

Gunohlarim keçirilsa köngil isir,

Keçalari uxlamasdan jonni qiynab,

Yozganlarim yoqsam bitta tandir qizir.

Oftob yotgan nurga tölib öqariqda

Billur suvlar egatlarga oqqan edi.

Belda belboğ, nonni ilib tut şoxiga,

Otam bizni buğdoy örib boqqan edi.

***

Közgu kulsang kular, yiğlasang yiğlar,

Aytma agar darding bölsa mazmunsiz.

Tuşlarimga kirib tabassum qilar,

Özim taniydigan eng çiroyli qiz.

Toğday ulkan tuyğu örnagan dilga,

Hasad tuşunçasi ketgan bedarak.

Mening yuragimdan boşqa heç yerda,

Olovbargli lola unmasa kerak.

Öyga toldiradi murakkab savol,

Yuzda havotir va peşonada ter.

Qalam uşlaşimni kutgan ehtimol,

Beş yuz yildan beri tuğilmagan şer.

Sirtlon sinçiklagan saxifalarni,

Bulbul öqir tongda atirgul uçun.

Agar misralarda kamçilik bölsa,

Çiroyliroğini yaratiş mumkin.

Xato bölsa ötdi özimdan faqat,

Qişloq qalbim bunga asosiy sabab.

Parij osmonidan uçgan samolyot,

Yuragimga qönib ötsa ne ajab.

Orzularim bisyor köngilda tuygan,

Buğdoyzorda öyçan qadam bosaman.

Hamid Olimjonga yutqazib qöygan

Jumlalarim yiğib ertak yozaman.

Soğinç jigarimni qiymalab yedi,

Qalbni tilkaladi ğalati dardlar.

Mening hislarimga tegişli edi,

Yirtib taşlangan eng çiroyli xatlar.

Dunyo mendan baland, yulduzlardan past,

Soxta uydirmalar ketmaydi menga.

Umrim tugar kiyik kiprik qoqsa bas,

Börilarning tişi ötmaydi menga.

Şukrullo Şeraliyev

1994-yili tuğilgan.

Farğona davlat universiteti Filologiya fakulteti talabasi

 

2022/3

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.