75 marta körilgan

Bir qadah söz keltirdim sizga…

Muhammadali Ğafforov

Tong

Tongda yöl olaman Toşkent şahrining

Eng baland uylarin ostonasiga.

Bunda meni kutar ohuköz dildor,

Bösalar avaylab peşonasida.

Gullarni tunayman – qizil, puşti, ol,

Novdalar, közimga boqmangiz horğin.

Soçlarim tözğitib hapqirar şamol,

Yurakni allalab sevalar yomğir.

Daraxtlar, odamlar – hammasi mamnun,

Suyunçiga çopgan boladek xuşhol.

Bir menmi baxtidan gullagan masrur,

Desam, har köngilda barq urar bahor.

Va yöllar oxirlab yetarman tongga,

Beşinçi qavatdan boşlanar borliq.

Beşinçi qavatdan qizarar quyoş,

Tong tuşib keladi xuşböy iforli.

Söngra yöl olamiz Toşkent şahrining

Nastarin gullagan göşalariga.

Köksimni tong bilan töldirib qaytgum,

Labimni muhabbat bösalariga.

* * *

Qança şeʼrlarimni yubordim,

Xatosiga qöyib berding çek.

Undov, söroq, tire, qaratqiç,

Özim anglamagan qança kelişik.

Bugun umrim tahrirga muhtoj,

Oğir hasratlardan tölganman.

Tahrirlab ber hayotimni ham,

Köp joyida xato qilganman.

* * *

Metro oqib borar, manzilga yaqin

Bir qizning soçlari siladi köksim.

Bağrimda uxladi misoli çaqin,

Uyğotişga qiymadi közim.

Göyo tuş körgandek oqar hayotim,

Bir ötinç otilib çiqar öpkamdan.

Hozir yöl tugamay qöysam uyğotib,

Kim ham boş qöyardi yelkamga?!

Tortişiş kuçi

Devor tortar örtaga ular,

Yulqib taşlar yoqalarimiz.

Bizni qança uzoqqa otsa,

Yaqinlaşar oralarimiz.

Axir, olam şunday yaralgan –

Toğlar turar toşlarni quçib.

Bizni qança uzoqqa otsa,

Tortib olar tortişiş kuçi.

Bir qadah söz

Bir qadah söz keltirdim sizga,

Şudringlar sepilgan söz keltirdim.

Içing.

Hovuringiz bosilsin!

Qoşlari qaldirğoç qanotli qizga

Oşiq yuragidan sevgi keltirdim.

Tong keltirdim!

Uyğoning,

Bolangizni öping peşonasidan.

Quyoş botişini kuzating.

Maʼşuq yelkasiga suyanib,

Ona tizzasiga boş qöyib kuzating ufqni!

Maysani keltirdim!

Tizza böyi maysa,

haydang könglingizni şu maysazorga.

Bir juft qizğaldoqni quçoqlab yoting,

Yetim qöziçoqqa non bering qölda,

Közlari yoşlangan oyni yupating.

Men sizga tonglarni,

kunlarni keltiray,

Keltiray jannatning xuş iforlarin.

Hovuçingiz tuting,

sevgi töldiray,

Oppoq bösalar-la siylang yorlarni.

Faqat yaşang!

Kutmang olmaning iltifotini.

Xudoning marhamati şu!

Ketmang onangizni taşlab safarga.

Men barini sizga keltiraman,

Siz esa yaşang,

Yaşang,

iltimos!

* * *

Şeʼr kelsa, yoz,

baxt kelsa, yaşa,

Qayğu kesla – taqdiri azal.

Şeʼr ham, baxt ham, aslida, öşa

Qayğu bilan böladi gözal.

Ey, tuşiga Yusuf kirgan qiz,

Visolga çiq yoqalab samo.

Haq qoşiga çökmoq uçun tiz,

Şu tong meni uyğot, Zulayho.

Qaniydi

Gullab bersa edi manovi daraxt,

Anov gul qaytadan yaşnasa edi.

Qaniydi, heç köngil bölmasa yara,

Barini boşidan boşlasak edi.

Qaniydi, aytolsam jurʼatim töplab,

Otamni hammadan yaxşi körişim.

Buzoqçani uzun kiprigin sanab,

Qömsadim dalada beda örişni.

Agar imkon bölsa, yana qaytadan

Yiğardim tentirab yurgan hayolni.

Orzu qilmas edim şuhrat, tantana,

Taşlab ketmas edim öşa ayolni.

Közlari közimda qolgan olapar,

Qirga adaştirib kelmasdim, işon.

Tutib yemas edim seni kabutar,

Agar menga qayta berilsa imkon.

Faqat osmon öşa, bari özgargan,

Yuguriş imkonsiz törtta tarafga.

Qöllarim böğzimga solmoqda çangal,

Meni öz holimga qöyma, Yaratgan.

Muhammadali ĞAFFOROV

1997-yili Qaşqadaryo viloyati Yakkaboğ tumanida tuğilgan. Özbekiston Jurnalistika va ommaviy kommunikatsiyalar universiteti talabasi. Özbekiston Yozuvçilar uyuşmasi tomonidan “Birinçi kitobim” loyihasida “Işq safari” nomli kitobi çop etilgan. “Zomin” seminari iştirokçisi (2023).

 

2025/1

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.