HAMDARD
Turfa taşxis aytasiz bir-bir,
Mujda kutib titrayman dir-dir:
– Qon bosimi oşipti, singlim!
– Omonmikan, ayting-çi, könglim?
– Jigardanmi çehrangizda doğ?
– Opa, ruhim qolganmikan soğ?
– Qon tomirlar tolgan bari, çin!
– Işq şamining riştalari-çi?
– Yurak zarbin ölçaymiz hozir!
– Bormi mehrim ölçar tarozi?!
– Közingiz ham söniq, beohor…
– Ketdimikan könglimdan bahor?!
– Ukol-dori, mana, siz uçun…
– Men – bemor… siz yiğlaysiz neçun?!
2
Yengildir ayolning közyoşi hadsiz,
Yengildir yurakka döst qadagan toş.
Barini kötarib ötdim, şubhasiz,
Ruhim bayroqlarin qilmadim taloş.
Ruhimni, qaddimni egdi muttasil,
Tomoğim quridi, qaqşadi dilim.
Öliming haqdagi guvohnomani
Qanday kötaraman, Sevgilim…
3
Orzu bilan suhbat
Tilim yutgan dunyoda
Turfa savol söraysan.
Yaşin urgan könglimni
Yaşillikka öraysan.
– Onajon, yulduz nima?
– Dadangning közi, bolam.
– Şeʼr nima?
– Xudo bergan
Dadangning Sözi, bolam.
Şamol ruhim devona
Qilgan junun soçlari.
Kökda burgut emas, yöq,
Dadangning quloçlari.
– Ona nima, siz kimsiz?
Aytasan takror-takror:
– Men heç kim, bu dunyoda
Dadang bilan Xudo bor!
4
Könglim özi musʼhafi Mansur
Mansur Jumayev
Xudoyimeeeeey, bunçalar
Suydirdi-ya, suydirdi.
Suydirdi-yu, tobuting
Atrofida kuydirdi.
Qani sözlari masih?
Nigohi huzur qani?
Giryon-giryon izlaram
Hazrati Hizr qani?
Tizginsiz umrim aro
Firqonimni izlaram.
Köngli musʼhafi Mansur
Qurʼonimni izlaram.
Muhabbatdan ganjimiz,
Bir zarimiz yöq edi.
Işq ulaşdik, dunyoga
Zararimiz yöq edi.
U bilan toş çaynasam,
Oşdek ötardi toş ham.
Endi oş yesam, tişga
Toşdek botadi oş ham.
Hijron quyuq kunlarda
Aqldan ozmasaydim…
Şu şeʼrni yozmasaydim,
Şu şeʼrni yozmasaydim.
5
Bunyodbekka Vatan darsi
Kipriklaringda titroq,
köpga qöşding otangni.
Köpga qöşib ertaroq,
tanidingmi Vatanni?
Quyoşga yetsin böying,
bil yulduzlar tarhini.
Allamga qöşib aytdim
Ona diyor şarhini.
Kim aytar: bu ölkaning
olmosi qiymatlidir.
Oltini, olmoslari
Xudoning himmatidir.
Nima dey, Vatan desam
yuragim çöğdir, öğlim.
Otang yotgan tuproqning
Bahosi yöqdir, öğlim!
6
Yöq, dardimga davo emas vaqt,
Oğu tutgan qismatga qasam.
Kundan kunga yaqinman senga,
Kundan kunga yuragimdasan.
7
Yo boşimda kök aylanar, yo
Kuni bilan aylanar boşim.
Yo közlarim bulutga döngan,
Yo yomğirga aylangan yoşim.
Haqda xato bölmagay, garçi
Ötib borar yillar dolğali.
Xavotirman, köngling oldida
Yupunmasmi behişt boğlari?
8
2024-yil bilan vidolaşuv
Boşimizdan yoğdular soçgan
Taşriflaring közim öngida.
Qanotidan ayrildi bir quş –
Uyim kuydi kuzning sönggida.
Hali-beri tarqagisi yöq,
Nigohimni qoplagan tuman.
Bilib-bilmay zaqqum içirib,
Bilaman, şod emassan sen ham.
Eski yilim, yangi dard bilan
Yangi yilga qanday boramiz?
Kel, ikkimiz pana-panada
Bir tökilib yiğlab olamiz!
Topolmayman dunyoni kezib
Siniqqina kulgularini.
Römol qilib boşimga yopdim
Uning toza tuyğularini.
Bor, boraver, qaysidir yillar
Aylantirar tanimni gilga.
To ungaça yigirma sakkiz
Yoşda ötgum yillardan yilga.
9
Istagan payt kular edim,
Bir boğ eding – gullar edim.
Istagan payt böyning quçib
Kuylar edim, yiğlar edim.
Uyim töla bahor edi,
Quçoğim lolazor edi.
Ulğaymadi-ulğaymadi –
Ruhimda bola bor edi.
Esi kirdi bir keçada,
Qayğu – mast qilguvçi maydir.
Şundan huşyor jilmayar-u,
Közyoşini körsatmaydir.
Şohsanam NIŞONOVA
1995-yili Farğona viloyati Quva tumanida tuğilgan. Özbekiston davlat jahon tillari universitetining Xalqaro jurnalistika fakultetini tamomlagan. Özbekiston Yozuvçilar uyuşmasi tomonidan “Birinçi kitobim” loyihasida “Iqror” nomli şeʼriy kitobi çop etilgan.
Özbekiston Yozuvçilar uyuşmasi aʼzosi.
2025/2
“Yoşlik” jurnaliga obuna böling · indeks 822
Obuna haqida