57 marta körilgan

Uyğonişning payti ayni vaqt…

Jasurbek Nabijonov

Ruhlaniş

Sen quyoşni kutmagin ilhaq,

Soatingga qarayverma, bas.

Uyğonişning payti ayni vaqt,

Yostiğingdan şafaq körinmas.

Sen quyoşni kutmasdan ilhaq,

Maqsad bilan kötar boşingni.

Axir dunyo turibdi kutib

Quyoşni sen kötarişingni!

Söngsöz

Rad etding otaşin izhorimni ham,

Yana juda oğir raddiya aytib:

“Şoirlar sirayam yoqmaydi menga,

Ismimni yozmagin şeʼringda qaytib!”

Bular tuşgaç yodga, özimginamas,

Hatto ilhomlarim böğilaverar.

Axir yozmagunça sening ismingni,

Şeʼrlarim nogiron tuğilaverar.

Özimga

Şeʼr yozsam, titrasa Tangritoğ,

Şeʼr yozsam, gullasa sahrolar.

Şeʼr yozsam, toşlardan çiqsa çöğ,

Şeʼr yozsam, kengaysa samolar.

Gazeta çop qilsa ularni,

Öqisa bevafo malaklar.

Eslasa, yiğlasa tunlari,

Olovga aylansa yuraklar!

Kitobga jam bölib keyinroq,

Onamlar öqisa yoş bilan.

Singlim jim tinglasa uni, oh,

Garçi naq ming marta eşitgan.

Şeʼr yozsam, oşiqlar yod olsa,

Işqsizlar şaydoga aylanib.

Satrlar musiqa kuy bölsa,

Kuylasa, kuylasa andalib.

Tinglasa, tinglasa, o, dunyo,

Yonma-yon turgança tun-u tong.

Kelişni unutib intiho,

Şeʼr yozsang, abadiy şeʼr yozsang!

Jasurbek  Nabijonov

 2002-yili Farğona viloyati, Bağdod tumanida tuğilgan. Toşkent davlat yuridik universiteti talabasi.


“Yoşlik” / 2024 / 6

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.