7 daqiqada öqiladi

770 marta körilgan

Yaxşi niyat saodati

Özbekiston Respublikasi Prezidentining 2019-yilda mamlakatimizni rivojlantirişning eng muhim ustuvor vazifalari töğrisidagi Oliy Majlisga

Murojaatnomasini öqib

Bolalik qilib, tuyqus oğizga kelgan biror gapni gapirib qöysam, enam dakki berardilar:

– Yaxşi niyat qil-ey, ovozingni şamol uçirsin!

Niyat qilişda xosiyat borligini ana şu pallalardan anglab boşlaganman. Hayotda nima topgan bölsam, içimda tuğyon urgan niyatlarim, ilinj va umidlarim hosilasi deb bilaman. Aslida ezgu niyatni dilga tugiş, uning uşalişiga umid boğlaş xalqimizning xos xususiyati, ezgu fazilatidir. Asrlar qaʼridan hayot silsilalarida toblanib bugun ham yaşayotgan “Yaxşi niyat – yarim davlat”, “Toğdek sörasang tuyadek, tuyadek sörasang ignadek beradi” kabi maqol-u hikmatlar bejiz tildan tilga, dildan dilga ötib ildiz otmaydi.

Özbekiston Respublikasi Prezidenti

Şavkat Mirziyoyevning 2019-yil uçun möljallangan eng muhim ustuvor vazifalar haqidagi Oliy Majlisga Murojaatnomasida buyuk muhaddis bobmiz Imom Buxoriy Hazratlarining “Al-jomiʼ as-sahih” asari avvalidagi: “Barça ezgu amallar niyatga boğliq, har bir kişiga faqat niyat qilgan narsasi beriladi”, degan hadisni keltirib ötgani, rosti, barçamizni tölqinlantirib yubordi.

Bugun butun xalq uçun, ularning hayotdan roziligi, turmuşining obodligi, ertangi kunning asosi­ni yaratiş borasida taşlanayotgan har bir qadam, qoğozdan amaliyotga köçayotgan rejalar, albatta, qalblarda bunyod bölgan oydin niyatimizdir.

Uyda televizor serial-u multfilmdan böşamay qolsa, yetmişdan oşib ham ğayrati sönmagan enam yozğiradi: “Munday bir axborot-paxborotlarni körsa-da, odam…”. Şoşib kanalni özgartiraman.

Ona-bola öşa kuni miriqib lavha tomoşa qildik. Mirzaçöldagi obodonlaştiriş, qayta qu­riş işlari, qisqa muddatda xalq uçun yaratilgan imkoniyat-u şart-şaroitlarni, Gagarin şahrining yangi qiyofa kasb etgani ajoyib tarzda bir körsa­tuv orqali namoyiş etildi. Men ham lolman, biroz oldin Gagaringa borganimda qarovsiz köçalar, öydim-çuqur yöllar, sobiq tuzumdan keyin huvullab qolgan binolar, qulagan, siri-ohori köçgan temir tösiqlar-u darvozalar, obodonlik hovlisi oşib qaramagan xonadonlarda behalovatlik, behuzurlik hukm surar edi. Endi esa manzara butunlay özgaça: intervyu berayotgan, hududda istiqomat qilayotgan turli millat vakillaridan iborat aholining kayfiyati, hayotga munosabati va iştiyoqi zumda qalbingizga köçadi. Yangi oçilgan tikuv fabrikasi, madaniyat saroyi, muhtaşam davlat xizmatlari markazi, şaharçaga körk berib turgan köp qavatli uylar, dam oliş maskanlari, qişda ham yaşillik ufurib turgan maysalar enamning ham çehrasini yaşartirgandek böldi. Körsatuvdan söng qalbi toshib birgina gap bilan xulosa qildi: “Prezident odamlarni yaxşi yaşaşga örgatib qöydi…”.

Hayotning oğir-yengilini körgan enamning şu birgina jumlasi meni uzoq öyga toldirdi. Inson hayot ekan, umrguzaronlikning ehtiyojlari hamişa mavjud, manfaatlar tirikçilikning tayançi bölib xiz­mat qiladi. Manfaatlari taʼminlangan inson keçayotgan kunidan, hayotidan rozi bölib yaşaydi.

Maşhur rus kino arboblaridan Arkadiy Gayday filmlaridan birida ajoyib ibora keltiriladi: “Yaşaş yaxşi, yaxşi yaşaş yanada yaxşi!”. Momom ham doimo bir gap aytib ötardi: “Ölmagan jon bormi?!”. Albatta, kun hammada keçadi. Lekin ana şu umr lahzalarini şod-u xurramlik, mamnuniyat bilan yaşaşga nima yetsin?!

Ötgan qisqa muddatda “Obod mahalla”, “Obod qişloq” dasturlari orqali yurtimizning olis va yaqin hududlaridagi qançadan-qança qişloğ-u mahallalar fayzli göşaga, obod manzillarga aylantirildi.

Dunyo sahnida keçayotgan voqealar, tobora avj olayotgan uruş va nizolar, axborot xurujlari, maʼnaviy böhronlar, inqirozlar insonni hamişa uyğoq va ogoh yaşaşga çoğlantiradi. Hali u, hali bu mamlakatda hosil bölayotgan “jarohat”lar öşa millat yoki xalqning turmuşiga, tinç hayotiga raxna bölayotganini har daqiqa axborot vositalari orqali kuzatib turibmiz. Bu borada xalqimizning ham öz tarixiy saboqlari bor. Şukr, deymiz. Şukronalik – köngilning bezagi. Ammo tinçlik, osoyişta hayot öz-özidan kelmaydi. Xalqaro va mintaqaviy xavfsizlikka tahdidlar tobora kuçayib borayotgani hisobga olinib, yangi Mudofaa doktrinasi qabul qilindi. Qurolli Kuçlar tarkibidagi barça qöşin turlarining tuzilma va vazifalari qayta körib çiqildi. Armiya va xalq birligini taʼminlaş maqsadida barça hududlarda harbiy-maʼmuriy sektorlar taşkil etildi. Harbiy xizmatçilarning masʼuliyati, jangovar tayyorgarli­gini oşiriş bilan birga ular­ning hayotiy ehtiyojlarini taʼminlaş borasida ham köplab işlar amalga oşirilmoqda.

Odamlarning qalbida hayotga işonç ortgani, farzandlarining kelajagiga umid boğlagani – bor gap. Işonç bor qalbda orzular, niyatlar böy körsataveradi.

Xalqimiz azaldan bolaning taʼlim-tarbiyasiga alohida eʼtibor bilan qaragan. Beşikdanoq ona allasi bilan gödak qalbiga, ruhiga maʼrifat singdiriladi. Bobokalonimiz Mir Alişer Navoiy bejiz tört yoşida Fariduddin Attorning “Mantiq ut-tayr” asarini yod olmagan! Bolaning maktab ostonasiga qadam qöygungaça bölgan davri hayotga qaraşlari, bilimga iştiyoqi şaklla­nadigan yoşga töğri keladi. Bu yoşda ular­ning parvarişiga töğri yondaşiş talab etiladi. Şu bois davlatimiz rahbari maktabgaça taʼlim tizimiga alohida eʼtibor qaratdi. Natijada bugun zamonaviy talablar asosida kiçkintoylar uçun maktabgaça taʼlim muassasalari barpo etil­moqda, mavjudlari qayta rekonstruksiya qilinmoqda. Xususiy sektor faoliyati tizim sifatining oşişiga xizmat qilayotir.

Murojaatnomada aytilganidek, faqat maʼrifat insonni kamolga, jamiyatni taraqqiyotga yetaklaydi.

Xalq taʼlimi tizimidagi islohotlar, özini oqlamagan kollejlar sonining qisqartirilişi, oliy taʼlim sohasini takomillaştiriş, yurtimizda dunyo­ning nufuzli oliy taʼlim muassasalari filiallarining oçilişi mamlakatda taʼlim sifatini yaxşilaş yölida mustahkam qadam böldi. Xalqimiz ziyolilari, fidoyilari – öqituvçilarning oylik maoşini kötariş, hayot darajasini yaxşilaş borasida ilk odimlar taşlandi.

Özbek ziyolilari haqida söz ketganda, albatta, adabiyotimizning zahmatkaş ijodkorlari – şoir va yozuvçilarimiz köz öngimizda gavdalanadi. Ötgan yilda “Özbekiston Yozuv­çilar uyuşmasi faoliyatini yanada takomillaştiriş töğrisida”gi Prezident qarori ijodkorlar qalbini tölqinlantirib yubordi. Yozuvçilar uyuşmasi uçun yangi bino barpo qilindi. Ijodkorlar uçun uy-joylar qurildi. “Zomin” va “Parkent” ijod uylari ijodkorlar ixti­yoriga topşiriliş arafasida turibdi. Bir söz bilan aytganda, adabiyotning, zahmatkaş ijodkorning qaddi rostlandi.

Murojaatnomada Prezident inson uçun hayotda zarur ikki muhim ehtiyojni uyğun keltiradi: tinçlik va soğlik. “Takror aytaman, tinçlik va soğlikni taʼminlasak, qolgan hamma narsaga erişamiz”, deydi davlat rahbari qatʼiy. Şu asnoda nogironligi bölgan şaxslar, boquvçisini yöqotganlar, yolğiz keksalar, umuman, kömakka muhtoj qatlamlarni qöllab-quvvatlaş ustuvor vazifa bölib qolişini aytadi.

Rahmatli öqituvçimning uy vazifalarini tayyorlamaydigan, darsga barmoq orasidan qaraydigan nönoq öquvçilarga qarata muntazam aytadigan öziga xos tanbehlari ong-u şuurimga singib ketgan: “Ha, Hoşim, – derdi muallim hammani bir ism bilan atab, – senga yoz bölsa-yu, qiş bölmasa, soya bölsa-yu, issiq bölmasa, yotsang qorinni qaşilab-a… sal, jonni koyitiş kerak!”. Baʼzan sinfda gurros kulgi kötarilar edi. Ammo oddiy muallimning oddiy haqiqatlarini bugun, ulğayganda anglab yetyapmiz. “Iş bilaganga ming tanga!”, deydi xalqimiz. Işbilarmon odam hayot­da özining ravon yölini bunyod qiladi. Qorning qalovini topib, alangalatadi, qimirlab, qir-u dovon oşib baxt-u saodatga erişadi. Prezidentning buyuk alloma Najmiddin Kubro hazratlarining: “Muvaffaqiyatni – saʼy-harakatda, muvaffaqiyatsizlikni esa – loqayd­lik va dangasalikda kördim”, degan hikmatlarini ulkan saboq sifatida keltirgani bejiz emas, albatta: “Haqiqatan ham, biz faqat faol tadbirkorlik, tinimsiz mehnat va intiliş orqali taraqqiyotga, farovon hayotga erişa olamiz”. Mamlakatni ravnaq toptiriş, rivojlaniş jarayonini tezlaştiriş faol investitsiyalar harakatiga boğliq. 2019-yil şu nuqtayi nazardan “Faol investitsiyalar va ijtimoiy rivojlaniş yili” deb nomlangani bejiz emas. Uşbu yilda ijtimoiy sohani rivojlantiriş böyiça islohotlar aholi örtasida işsizlikni kamaytiriş va odamlar, oilalarning daromadlarini oşirişga, kasbga örgatiş, huquqiy maslahatlar, ijtimoiy kömak usullaridan keng foydalanişga qaratiladi. Umrini nogiron farzandiga qaraş, uni parvariş qilişga bağişlagan onalar uçun alohida ijtimoiy nafaqa turini joriy etişga qaratilgan. Bundan taşqari, ilm-fan, zamonaviy va uzluksiz taʼlim tizimini yanada takomillaştiriş közda tutilgan.

Yoşlik – inson umrining kuç-ğayratga töla, hayotga muhabbat ila talpinib turgan eng navqiron pallasi. Nuroniylarimiz qadamidan öt çaqnab turgan yoşlarni körganda, bejiz, kiftiga qoqib, “toğni talqon qiladi”, deya eʼtirof etişmaydi.

Mamlakatimiz aholisining qariyb yarmini taşkil etadigan yoşlar bilan işlaş masalasi, bundan buyon ham eng asosiy vazifalarimizdan biri bölib qoladi, deyiladi Murojaatnomada.

Yoşlarni tadbirkorlikka keng jalb etiş, ular­ning bandligini taʼminlaş maqsadida “Yoşlar – kelajagimiz” jamğarmasi faoliyatini yanada kengayti­riş rejasi belgilangan.

Davlat rahbarining mazkur çiqişida sud-huquq, iqtisodiyot, qişloq xöjaligi, turizm, taşqi siyosat borasida ham mulohazalari, taklif va rejalari bayon etilgan.

Prezidentning: “Xalqni rozi qilolmagan rahbar, Haqni rozi qilolmaydi”, degan iqrorida, daʼvatida mutasaddi rahbarlarning xalq bilan muloqot asnosida el dardini tinglaş, turmuşidan boxabar böliş, koriga yaraşdek saboq bor.

Murojaatnomada ustuvor zaruriy yönalişlar böyiça “yöl xaritasi” va alohida konsepsiyalar işlab çiqiş topşirilgan.

Davlat rahbarining Oliy Majlisga Murojaatnomasini öqib çiqar ekanman, keksa enamning: “Prezident odamlarni yaxşi yaşaşga örgatib qöydi”, degan bir jumla xulosalarini angla­ganday böldim. Çindan ham qay davraga bormang, yurtdoşlarimiz dilida ertangi kunga işonç bilan tuzgan olam-olam rejalarini sizning ham qalbingizga jo qiladi.

Niyat bu qalbimizning amalidir. Uning röyobga çiqişi uçun ezgu saʼy-harakat zarur. Azaldan xalqimiz bir-biriga yaxşilikni soğinadi. Zero, niyati uluğ xalqning – işi ham uluğ, hayoti yoruğ va kelajagi farovon böladi.

 

Faxriddin Hayit

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (112)