Ösmirlik kezlarimda yapon adabiyotini, xususan, Akutagavani öqib, kattiq taʼsirlangandim. Ana şu taassurot tufayli bir talay erkin maşqlar qilgan edim. (Ulardan baʼzilari 1988-yili “Yoşlik” jurnalining 8-sonida çop etilgan). Bugun yana öşa daftarlar qölimga tuşib qoldi. Öqib körib, yaxlit asar bölmasa-da, şeʼr unsurlari – parçalaridek tuyuldi. Balki özimniki özimga oy körinayotgandir, balki bu hissiyot faqat mening şaxsiy tuyğularimdir. Har holda, bu maşqlarni Sizga havola etarkanman, istiholam bor: işqilib, ğaşingizga tegmasa böldi…
Muallif
* * *
Sirdaryoga uzun muzköprik soldi
Xudoyim.
Men visoldan umid uzganman.
* * *
Uylarning
Birinçi qavati oynalarida
Hayot aks etardi.
* * *
Tok zangiga ilingan
Yönğiçqa şirasidan qasmoq boylagan
Öroqqa
Tölin oy tör taşladi.
* * *
Safarxaltamga
Navoiyni solib qöy!
Men uzoqqa ketyapman.
* * *
Bobur hovuçlab suv içgan
Buloqlar
Mölt-mölt qaynaydi.
* * *
Oğoç şoxidagi yagona yaproq
Köklam qadar osilib turdi
Medalga öxşab.
* * *
Sukunatni uçirib yubordi
Musiça.
Men qabrni silab,
Assalomu alaykum, dedim.
* * *
Qabristonda aççiq izğirin yeldi.
Men qabr ustiga özimni yopdim.
* * *
Mozor boşiga çiqib,
Dahmani
Qorlardan kaftim bilan tozaladim.
* * *
Köçada
Senga xat yozayotgandim
Qöllarin uzatib
Tilançi keldi.
* * *
Men uzoq qarab qoldim unga:
Judayam odamga öxşar edi u.
* * *
Dovon tepasida
Oy oçilgan,
Yulduzlar yirik.
Pastga tuşgim kelmaydi sira.
* * *
U
Oğzidan çiqqan hovuri bilan
Yaşirmoqçi böldi közini.
* * *
Paykal qöriqçisiga
Çopon kiygizib qöyişibdi.
Döppisiz kulguli körindi.
* * *
Şamoldek keldiyu
Şamoldek ketdi.
Hilpirab qoldi yurak.
* * *
Bolaligimda quş tilini bilardim.
Endi hayvonlar tilini ham bilaman.
* * *
Uvildiriq kabi
Baliq bölasanmi
Yo yem –
Xudo biladi.
* * *
Navröz
Har kimning holiga yaraşa
Şodlik ulaşar.
* * *
Xijolatli tabassum bilan uzrxoh
Apil-tapil,
Ikkilanib,
Yölimni kesib ötdi
Ayol.
* * *
Ovozi bor uning,
Andişasi bor,
Farosati – taʼbi nazmi bor.
Qöşiq aytolmadi.
* * *
Bilib turib suvga
Suvrat solarkan,
Kelajakni öylab entikar.
* * *
Turmuş yöllarida şalaği çiqqan
Sinfdoş döstim
Töxtamasdan ötib ketdi yonimdan.
* * *
Bozorda –
Şaytonning töyxonasida
Raqs tuşib, isiriq tutatib yurar
Farişta.
* * *
Dörmon –
Adabiy örmon.
Bulbulni izlab yuribman.
* * *
Qodiriyni körgan,
Çölponni körgan,
Usmonlarni körgan jöka daraxti turar
Heç narsa körmagandek.
* * *
U şunçalar ğarib ediki,
Haddan taşqari bahaybat körinardi
Ordeni.
* * *
Men keldim, dedi u.
Xayoli özida emasdi.
* * *
Hamma baravar gapiryapti.
Qarsak çaladigan odam yöq.
* * *
Yonimdan
Bir qiz ötdi şoşib.
Men özimdan uyalib ketdim.
* * *
Kimda alaming bor?
Kimda öçing bor?
Munça uvillaysan,
Qöqon şamoli?
* * *
Toşkentgaça
Uçoqda
Xudo bilan birga uçdim.
* * *
Atirgul ğunçasi
Qirmiz qabosini qayirdi asta.
Sening nafasing keldi.
* * *
Puç kurmakni ortmoqlab,
Kuçanib boryapti çumoli.
Havo dim.
* * *
Olma oğoçi pöstloği içra
Bir biriga qarab uzoq
Tek qoldi bir juft çumoli.
* * *
Yuragi kiçrayib,
Ğaşi kattalaşib borardi:
Hamma narsa tegaveradi.
* * *
“Poq” etib tuşdiyu
Pöstloğidan ajrab
Ilgarilab ketdi yonğoq.
* * *
Şudringga
Özini soldi
Xonqizi.
* * *
Pağa-pağa yoğdi qor.
Tomlar köpirib ketdi
Etigimni yaşirib qöydi onam.
* * *
Közingda
Özimning
Aksimni kördim.
* * *
Közoynak
Kapalakdek qöndi
Burnimga.
* * *
Hamma narsa bor dedi u.
Hamma
Narsa.
* * *
Sandalning öti öçgan.
Turgim kelmas örnimdan.
Köksimda muşuk yotibdi.
* * *
Boği çaman bölgani sari
Tözğib boryapti
Özi.
* * *
Bodroq paxtazorga
Oppoq quyonçalar qaydan keldi?
Tutib bölarmikan ularni?
* * *
Qiz seskanib qölini tortdi.
Barmoğimda qoldi
Uzugi.
* * *
Söfi azon çaqirdi.
Mezanadan şoşilib tuşib,
Hovlisiga yugurib ketdi.
* * *
Yulduzlar köp uçdi bu keça.
Uyqum öçdi.
Yiğlagim keldi.
* * *
Yaşirib şeʼr yozardim.
Bilardim
Şoirlik uyat işligin.
* * *
Senga maqtangim kelyapti.
Sevib qoldimmikan.
* * *
Dengiz albatta töladi dedi
Qiyiq çol.
Öpkam tölib ketdi.
* * *
Şoirman deb
Irillardi u.
* * *
Navoiyning közlariga
Qiyomatda
Qanday qaraymiz?
* * *
“Manfaat” deganda
“Man”ga berardi
Urğu
* * *
Uning ismini aytdi-yu
Dimoğini yopdi
Yengi bilan.
* * *
Qiya eşik ustiga
In solibdi
Musiça.
* * *
Borligingni bilsam,
Tuğilmas edim.
* * *
Kuylagin
Ovozing yöqolmay turib,
Meni sev…
* * *
Bösağada yotib,
Eşikni muştlab,
Jonini Jabborga berdi.
* * *
Meni bunça qiynoqqa solib,
Qanday sirni olmoqçisan?
Nimani bilmoqçisan, falak!
Iqbol MIRZO,
Özbekiston xalq şoiri
“Yoşlik”2012/4
“Yoşlik” jurnaliga obuna böling · indeks 822
Obuna haqida


