264 marta körilgan

Quş tilida aytilgan bu sir…

Quş tilida aytilgan bu sir...

* * *
bahor takrorlanmas – har yili özga,
sevilgan köngilday injiq va sarsar.
atirgul boşqaça gullaydi. közga
boşqaça körinar binafşa, safsar.

bulturgi sayroğin öğirlamaydi –
yangitdan bastalar bulbul navosin.
yaproqlar şitirin töğrilamaydi –
boriça esadi köklam havosi.

ötgan yil bodomning şoxida kelgan
yalpiz hidi bilan kiradi bahor
otamning boğiga – taşrifin elga
sanduvoç joriya qiladi nahor.

maysadan naf olar har kasning joni,
umid almaştirar jomakorini.
faqat yangilanmas gulning armoni,
faqat kurab bölmas soçning qorini…

vaqt

vaqt çekkada yurmaydi zinhor,
sahrolarga ketmaydi daydib.
oykezarday noxos va pinhon
pas-qamlarda kezmas tun payti.

u dangalçi – murosa qilmas,
na yuzxotir qilar, na kutar.
u qil emas, şafqatni bilmas,
töppa-töğri oradan ötar.

döst

bozor aylanaman bekorçilikdan
qandolat rastalari oralab

birdan közim tuşar peştaxtadagi
ulkan novvot bölagiday kristallanib
turgan özimga

asta bolğa bilan uşatib
va tarozi pallasiga taşlab
qaytib olib ortiqçasini
sotar bir döstim meni
çakana narxda

şukr
xaridorim bor ekan
mening ham

şaffof

harir va şaffof köngil
qoplab vujudingni
boşingdan oyoq

endi
sen köngilni kiyib yurasan

körgazmaga qöyilgan
kuşon davlatining tangalariday
keçinmalar körinib turar
köngil ostidan

bunisi sevgi
bunisi nafrat
bunisi
izdihomni suymagan jining
mana bunisi esa
langar zanjiriday qalin bir arqon
boğlab turar dunyoga

kusuf bölgan oy kabi
qoq ikkiga bölingan yurak
örtada quturgan hislar daryosi

narigi qirğoqda elas közga taşlanar
hali istak bölib şakllanmagan
taqvo umidi

söz

sen bilan men
örtamizda bitta söz faqat

istehkom yangliğ
sen bilan meni
ajratib turadi bittagina söz

sözning sen yoqdagi maʼnisin
men körmayman

oyning orqa sirtiday
uning sen yoqdagi maʼnisi
menga qoronği

oramizni tösib turar bittagina söz

ikki yuzli söz

***

kunlar hali isimay
kamarlardan qoçib-pusib kelgan bahorni
bodom gullab qöyar oğzidan
ayamajuzga

nihollarni siypalab
kurtaklarni börttirar yellar

quyoş öyinqaroq şumtakadayin
tortar maysalarning soçidan

jilğalar çuldirar
hali tili çiqmagan
qizaloqning tilida

yomon tuş körib
köngli xijil bölgan oşiqday
maysalarga botmay turar
xarsanglar

köklam gandiraklar navröz kunlari
qayon yurmoğini bilmasdan
endi oyoqlangan qulunday

saraton

jazillaydi yozning çillasi.
jizlovuqlar jizillaydi betinim,
lohas qilib qöyar saraton
har nimarsani.

masalan,
sohildagi soyabonlarday
daraxtlarni yerga qoqib,
soyasida dam oladi tun
kunbotişga yetib olgunça.
daraxt ostiga tuşgan
oftob tangalarini birma-bir terib
çöntagiga solib qöyadi
keçalari osmonga
soçmoqqa yulduz qilib.

masalan,
quşlarning erinçoq sayroqlari
kapalak bölib
söliyotgan karnaygulga qönib turar omonat.

masalan,
suvi qoçgan mehr oftobda
quriy-quriy toşga aylanadi oxiri.

masalan,
suv içişga soyga engan
poda tuyoğidan kötarilgan  çang
havoda muallaq turib qoladi
ayol körgan vahimali tuşdan keyingi
ğaşlikday.

masalan,
havo langillaydi tandirday,
römolini yuzga örab, ğöza çopiq qiladi
qoq tuş çoği muqanna qizlar.

Masalan…

***

derazasi oçiq uy yangliğ
esib ötar sendan yelvizak.
umid kabi gohida yangliş,
oğriq kabi goho çin sizar.

bod singari qözğaydi armon –
köngil vujud ğamini yemas.
ne darddir u, ne hukmfarmo,
hamon zulmi qutaray demas?

adirlarga har kuni, har tong
soçiladi qizğaldoq bölib
xotiralar alvon, navqiron,
ufq misoli qonlarga tölib.

bahor oğir keladi har yil,
közda yoşing bilan kuldirar.
köngilga ham bitar endi til,
ariqçalar bölib çuldirar

soyadan ham battar hamrohing:
öşal gulning yodini bir-bir,
bulutlarga çirmaşar ohing –
quş tilida aytilgan bu sir.

yomğir qilib dardingni elar
bahor boğlariga bu nayson.
ne quvonçki, qayğudan kelar,
ne sitamki, baxş etadi jon?

Faxriyor

1963-yili tuğilgan. Samarqand davlat universitetining özbek filologiyasi fakultetini tugatgan. “Dardning şakli” (1987), “Ayolğu” (2000), “Geometrik bahor” (2004) şeʼriy töplamlari, “Yangilaniş anʼanalari” (1988) publitsistik maqolalar töplami naşr etilgan.

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.