* * *
Oy sovrilgan kabi quyoş izida,
Örlar alvon-alvon ötinçim – taloş.
Nur yoğilar mohi tobon yuzidan,
Mening közlarimdan esa yoş…
Gar diydor qiyomat bölsa, beray jon,
Oşiqni to mahşar örtar firoğing.
Axir, yetib bölmas Senga heç qaçon,
Bu olamda yöqdir vasl buloği.
Faqat someʼ böldim Sendan ayrilib,
Bir Seni tinglamoq istar jon quşi.
Men uçun tuganmas qismat – ayriliq,
Hayot – mangulikdan uzilgan qöşiq.
* * *
Quyoş nuri gulni garçi qiliçdek
Kesmas, lekin uni kuydirgay oxir.
Butun yaralmişda mavhum tiriklik
Va ölimdan boşqa hodis yöq, axir.
Köklam tuni edi, tonggaça qolib,
Kapalak umriça kördim yoşimni.
Ölim çaqmoğini böynimga olib,
Hayot iforiga tikdim boşimni.
* * *
Nayson abri kökka uyilar qat-qat,
Tomçilab-tomçilab boşlanar yomğir.
Şu köyi öt tuşar menga beşafqat,
Jonu jahonimda boşlanar yonğin!..
Y O Rab!.. Ötu suving içra köp qiyin,
Sovrildim… özimni tutarman qanday?!
Neki bori bölsa, kuygan-u, keyin
Toşqin olib ketgan eski qörğonday
Oqdim, zohirida şomu saharning,
Botinida sinib oqadi sozim.
Meni asrayolmas binafşalarning
Qirdan kelayotgan gözal ovozi.
Y O Rab! Bu toşqinda men bir jonsarak.
Maysaday böylolmam kamalaklarga,
Jim öltirmasman gul yuziga qarab,
Töyib boqolmasman kapalaklarga.
Beomon şiddatda omon qolmasman,
Maʼnisiz hayotim yitadi mutloq,
Bildim, yomğirçalik yaşay olmasman,
Bildim, bir mendan köp yaşar qizğaldoq.
Ammo bilolmayman, neçun şom enib,
Xokim uzra xaslar uçgay bebayot?..
Ne uçun bahordan ayirgay meni,
Neçun halok etgay meni bu hayot?!
* * *
Hayot – dengiz.
Tölqin – vaqt. Unda badar,
Suzib borayotgan nomsiz kema – jon.
Şamol – taqdir.
Yölçi-yulduzlar – xabar,
Çayqalib-çayqalib suzar kemajon.
Pörtana jahdidan emişman ogoh,
Armonlar girdobi tutmoqda meni.
Na ötkinçi kema, va na bandargoh,
Bir nomsiz orolça kutmoqda meni.
* * *
Kim u, şafqatsiz sayyod, könglimga qiliç soldi,
Qatl etdi sevgimni – soldi qora ölimga.
Boşimda çaraqlagan osmon qorayib qoldi,
Qölimda qoldi hilol – qoq ikkiga bölingan.
Körmay qoldim, bilmadim – kun edimi yo tunmi,
Faqat ilğadim elas, hurlar tuşdi falakdan.
Kökning baxtsiz yomğiri bilan yuvdi sevgimni,
Kafan qildilar unga oqargan kamalakdan.
Yiğlamadim u lahza, çekmadim ohu faryod,
Faqat ğavğo kötardi jinlar sadrga tuşib.
Yotar edim çalajon, yotar edim bemurod,
Bilmas edim bu qatl qaysi dunyoning işi.
Tan bundoq qolarmiş jon baqoga qilsa hijrat,
Bilmasdim – şahid könglim butmi endi yo nobud?
Hayhot, vido singari oğir ul şafaq uzra,
Kemaday suzib ketdi guldan yasalgan tobut.
Sezmas edi ona yer, osmonning yarasidan
Zardob tomardi çak-çak – izsiz qatl izlari.
Yotar edim bemurod, sayyodlar orasida,
Boşim kesilgan edi, hayron edi közlarim.
***
Asli boru yöğing bir aççiq boda,
Heç kimning çekiga tuşmagansan, bas.
Heç kim qolmaydigan yoruğ dunyoda
Heç qaçon, ketaman, dema qasdma-qasd.
Ketma, ey, umidvor ketguçi, ketma,
Ketsang, ketmoq bölsa agar matlabing –
Ketolsang, ortingga qarama, kutma,
Faqat kuz kabi ket, faqat kuz kabi.
Kuz ketar, heç kimga aytmaydi ammo,
U çorlov doğida qarab turmaydi.
Kuzning kelganini köradi hamma,
Kuzning ketganini heç kim körmaydi.
***
Eşigim oldidan ketmadi nari,
Şovullab örtandi azaliy ğussa.
Nedandir asramoq istab sarsari,
Qaygadir eltmoqçi, agar qöl çözsam.
Yotardim – ğarq etmiş edi aşk seli,
Yotardim, könglimda yöq edi şaror.
Şu keça tonggaça çorladi meni
Dunyodan heç narsa topmagan şamol.
***
Ufqqa singib ketdi matlabim,
Şomni tutdi çirildoq uni.
Könglim oçilmadi sen kabi,
Nomozşomgul, ötdimi kunim.
Yitdimi gullamoq xayoli,
Böm-böş qoldi aftoda hujra,
Qari-qartang şayton misoli,
Jim yiğladim çangalzor içra.
O, sarin yel, adaşsang gohi,
Daryoga qay yöldan qaytasan?
Moviy poklik, xaloskor sohil,
Şeʼrim, könglim quşi, qaydasan?!
Daryo edi qaçondir sodiq,
Meni nilufardek asradi.
Endi kelar töfon ovozi,
Va guldirak – osmon nafrati…
Tun böyidan ötarman qanday?!
Qalb körindi, uniqib zohir.
Jannatdagi gözal ilonday,
Yer bağirlab qolmişman oxir.
Könglim kabi tökildi neça
Maqtul çeçak köşkimda hayron.
Ming yildirki, bir oydin keça,
Bir gözal tong armondir… Armon.
Nurilla NARZULLAYEV
1974-yili tuğilgan. Özbekiston davlat jahon tillari universitetining xalqaro jurnalistika fakultetini tamomlagan. “Fano yomğiri” şeʼriy töplami naşr etilgan..
“Yoşlik” jurnaliga obuna böling · indeks 822
Obuna haqida