233 marta körilgan

Qalbdan közga oçdim bir yölak…

Nilufar Jabborova

Senga öxşagim keladi, bahor

Qalbimda oçildi göyo bir tilsim,

Sirlaring mahzani ado bölmasdek.

Oppoq orzularga töldi bu köksim

Ruhimni osmonga olib uçgandek.

Bunçalar fusunkor bölmasang, bahor,

Men senga öxşagim keladi takror!

Meni ham sen kabi kutişarmikan

Yöllarimga bölib zor-zor, intizor.

Qani, gözal bölsa şeʼrlarim sendek,

Ildizlari teran, sehrli gulzor.

Bunçalar fusunkor bölmasang, bahor,

Men senga öxşagim keladi takror!

Xuşböy gullaringga bağrimni tutdim,

O, mavjlanib ketdi hislar ziloli.

Dilbar kunlar aro özni unutdim,

Allalading meni gödak misoli.

Bunçalar fusunkor bölmasang, bahor,

Men senga öxşagim keladi takror!

Ahd

Közlarimga bermadim ruxsat,

Irmoqlarin berkitib qöydim.

Qay ğörligim tutgan bir fursat,

“Yiğlamayman”, deb söz berib qöydim.

O, hayotning töfonlariga

Otilişim qaydan bilibman.

Maşʼal tutib ahd qöllariga

Mağrur turib faqat kulibman.

Tortib oldi yaqinlarimni,

Taqdir butun sabrimni sördi.

Özi öksik, yarim könglimni

Ötgan-ketgan bir çertib kördi.

Ortda qolgan kunlarim – ögit,

Ozorlar yaşaşni örgatdi.

Yuragimga degandim “unut!”

Köksin oçib çandiq körsatdi.

Içga yutgan yoşlarim – oğu,

Alamini yuzimdan oldi.

Har bir tomçi qasdma-qasdiga

Soçlarimga öz rangin soldi.

Ğam noçordek körinib yupun,

Atrofimda turardi sergak.

Gohi qaddim kötarmoq uçun

Kerak böldi birgina tirgak.

Ilinj keldi holim söroqlab,

Mörtligimdan ahdimni buzdim.

Yuragimni mahkam quçoqlab,

Neça yillik ğuborni yuvdim…

Bildirmadim, sezdirmayin jim,

Qalbdan közga oçdim bir yölak.

Köz yoşimni körmaydi heç kim,

Faqat yolğiz Tangrimdan bölak!

Ilinj

Sönggi umid, eng sönggi ilinj,

Bir söz bilan uzildi bari.

Qölga ketiş çiptasin tutib,

Kor qilmasdan heç qanday ötinç

Hayot qildi özidan nari.

Qotib qolgan nigohni körib,

Iztirob ham söraydi uzr.

Qani, bari bekor bölsa-yu,

Zalolatning bağridan yulib

Olgan tojin kiygizsa huzur.

Qarorlarga imzo qöyar payt

Sendan köngil söramas taqdir.

Ildiz otgan sabringni körib,

Armonlarni etgança payvand

Istehzo-la qiladi tahqir.

Iymoningni kötarib baland,

Vijdoningga yuqtirmayin gard.

Endi ğamni quvdim deganda,

Vujudingni etganiça band,

Orsizlarça yopişarkan dard.

Kundan-kunga yemrilar sabr,

Vaqt yurakka ilgandek ilmoq.

Tutib turar yolğiz iroda,

Kimga hikmat, kimgadir jabr

Köksingga ğururni qadamoq.

Taskin topar nogoh şuuring,

Orom berar Haqni öylamoq.

Oğir, oğir, qançalar oğir,

Tomirlari uzilgan umring

Ozligini sezib yaşamoq…

Adolat, deb hayqirar yurak,

Umidlarin uzyapti tilak.

Heç odillik qila olmasang,

Sönggi sözga faqat rostin ayt:

Hayot! Senga özi ne kerak?!

Negadir…

Negadir keçirgim kelmaydi,

Garçi oğir emas gunohi.

Ne öylov,

Ne qirov,

Ne sinov

Boşimdan ötganin bilmaydi,

Iztirobim böldi guvohi.

Yuragim ruxsatsiz kiritmas,

Ğamlar xijolatdan suzilar.

Har kun,

Har oy,

Har yili

Dilimda men uçun qiymatsiz

Ming bitta ozorlar yuvilar.

Yolğonning pardasin yopolmay

Kulgan baxt ayyordek tuyular.

Ilojsiz,

Imkonsiz,

Makonsiz,

Ming yillik taskinni topolmay,

Yolğizlik könglimga quyular.

Hadikda yöl, dilim yorolmay,

Qalbda qörquv bölganda soya.

Xaloskor,

Najotkor,

Bir-u bor

Heç minnatga kunim qoldirmay,

Tangrim Özi qildi himoya.

Ilinjga suyanib kutarkan şafqat

Işonganim u – xudbin qoya.

Ğör dunyo,

Kör dunyo,

Ayt, dunyo,

Endi unga faqat va faqat

Tazarru, tazarru kifoya.

Negadir keçirgim kelmaydi,

Garçi oğir emas gunohi…

 

Nilufar Jabborova

1982-yili tuğilgan.

Özbekiston Milliy universitetining jurnalistika fakultetida tahsil olgan.

“Vatan, men bağringda bir gul böloyin” nomli şeʼrlar, “Oqibat devorlari nuramasin” nomli publitsistik maqolalar, “Osmondan yoğilgan yonğoqlar” nomli bolalarga atalgan hikoyalar töplamlari çop etilgan.

2021/5

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.