132 marta körilgan

Jondoş bölib yonar qoğoz-u qalam

Şodiya Umrzoda

Söz va ilhom

Bizdan ketsa ketsin, qolmaymiz kamib,

Qayta gullamoq bor – azaliy odat.

Yuragimga qöngan isyonkor quşning

Qönim topgan  joyi böldi samovot.

Qaqnus tumşuğida eltadi olov,

Qanotin silkisa titraydi olam.

Ruhimga saçrasa siyohiy bir rang,

Jondoş bölib yonar qoğoz-u qalam.

Söngra, ketib qolar Behustungaça,

Yana sahar çoği qaytar erinmay.

Bu safar içirdi taşna holimda,

Xayyom taşlab ketgan bir kosada may.

Bizdan ketsa ketsin, qolmaymiz kamib,

Yupqarib qolmaydi yursam tovonim.

Bir çimdim baxt bersam, yurakni yoqsam,

Azal bitmagunça ölmaydi jonim,

Azal bitmagunça ölmaydi jonim!

* * *

Ança bölib ketdi, öçgansiz dildan,

Şafqat tutquniman, azizim, faqat.

Nafas ham olyapman, ölmadim çindan,

Ajib nağmangizga qolmadi toqat.

Men sizni yor desam, pistirma qurib,

Yuragim nişonga olibsiz, mana.

Tirqirab qon oqar jarohatimdan,

Jilmaygan nigohim, huvulloq tana.

Oh, afsus, ming afsus, tikilib turar,

Ayriliq parisi tepamda xuşhol.

Ruhim titroğiga doş berolmagan,

Köngli ğarib odam, xayr, yaxşi qol!

* * *

Sizni suysin kuydirganingiz,

Gulga örab tutsin jonini.

Yuragining tört bölmasiga

Taqsimlasin xonumonini.

Lahzalarning nur qanotiga,

Singib ketsa toparmikansiz.

Köksingizdan najot izlagan,

Boşin gulga yoparmikansiz.

Suyguligi bormi aqalli,

Közingizga ilsa-ilgulik

Birortasi bölmasa agar,

Uning oti erur körgulik!

Sizni suysin, kuydirganingiz,

Parvonaga qolsin aylanib.

Qaqnusmikan, yonar-u bitmas,

Bir ohida ming qaqnus ğarib.

Sizni suysin, kuydirganingiz…

* * *

Yomğirga tutsam quloq,

Şivirlar: şukur, şukur.

Derazani lang oçsam,

Yuragim dukur-dukur.

Ajib xilqat-tabiat,

Qiş talpinar bahorga.

Bahor soğinçin eltar,

Yozgi erta saharga.

Tomçilar hol söraydi,

Keçiktirma mehrni.

Bağir uzgan naysonlar,

Saqlab qolgan sehrni.

Bulutlarni silagan,

Mehrlardan kuçim bor.

Izlarimni öçirgan

Şabbodada öçim bor.

Şodiya Umrzoda

 

1981-yili tuğilgan.

Qöqon davlat pedagogika institutining Özbek tili va adabiyoti fakultetini tamomlagan.

“Gullar ifori”, “Tong tuhfasi” şeʼr va hikoyalar töplami naşr etilgan.

2022/3

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.