105 marta körilgan

Vizual şoir

Qaro soçlaringga yozdim oq şeʼrlar...

Nasrullo Ergaş şeʼrlarini ilk bor öqiganimda uning bir kun kelib butunlay özgaça yoza olişiga işongan edim. Kuni keça qölyozmasini öqib yanglişmaganimni his etdim. U vizual şoirga aylanibdi.

Vizual şeʼriyat – antik davrda Ovröpada, jumladan, Germaniyada rivojlangan bölsa-da, uning ilk kurtaklari bizdagi qoyatoş suratlarida böy körsatgan.

Bir qarasangiz antiqa tuyuladi. (Şakllar) figuralar öyini diqqatingizni tortiş barobarida közga köproq yuk ortadi. Zero, vizual şeʼriyat namunalarini köz tinglaydi. Masalan, Nasrulloning “Tirnoq­larin egovlar hilol” şeʼrini öqib bersangiz, öquvçi dastlab şeʼrdagi gözallikni bor böyi bilan ilğayolmas, ammo şaklda musiqa mixlanganini körgaç esa unda hayrat közlari oçilmoği şubhasiz.

                                                                              Bahrom RÖZIMUHAMMAD

                                                                                          2023.14.12

 

 

Turkistonda qiş

qiş – xayolkaş şoir –

daraxtlardan qalam taroşlab

oppoq qor yuziga yoza boşlar şeʼr…

muzlagan qor parçalaridan

şeʼrlariga qönar yulduzlar

qarğalar qiroat bilan öqir şeʼrlarin

hasad bilan öqir közlari yonib

şamol esa öqir hijjalab

oqşomlar boğlarni oralab

ilhom izlarkan

qöllari sovuq qotganida

Vatanim va xalqim isinib ötirgan

qalbim derazasin ohista çertib

isingani yuragimga kirib kelar u

             Turkistonda kuz

                              kuz

               isyonkor yaproqlarni

        daraxtlardan uzib tuşirar

                  mustabid şamol

                         istibdod

       Qodiriy, Fitrat, Çölponlarini

  Vatan bağridan yulib taşlagan kabi

   quşlarni janubga “surgun” qilar kuz

              tuzum Usmon Nosirni

         Sibirga surgun qilgan singari

                        Turkiston

      Rauf Parfi yozgan “Sabr daraxti”

                         kökaylari

                          kesilgan

                           daraxt!

                     ildizingdan

                      unib çiqqan

                    bolalaringni

             endi asray olurmisan, ayt?!

Metro

yer ostida odam

yer ustida ham

men

         seni

                   izladim

yer ostida yöqsan

yer ustida ham

ammo

            umid

                       yaşar

yer ostida umid

yer ustida ham

             Qarğalar

                             kuz

Van Gogning “Qarğalar” kartinasi kabi

             qarğalar uçar janubga

                     qarğalar uçar

                          qarğalar

                            qar-r-r

                            qar-r-r

                            *  *  *

                         közlaring-                   

                           j         r

menga           o         !           e             dan

                          y          b                       

                          sevgilim

                        *  *  *

Tirnoqlarin egovlar hilol,

Tun bağriga soçilar çiroy.

Bunça suluv, bunçalar halol

Tirnoqlari egovlan

                          g

                  a

                  n

                         o

                                    y

Keçalari töymayman qarab,

Bunça gözal qayroqlanar oy.

Ön tört kunda tölar qaytadan,

Ön tört kunda tirnoq

                         l                          y

                    a                                   o

                         n                           r           

                                       a  

Ayol anatomiyasi

Gar ayolga taşbeh izlasang,

Ne qiyoslar kelmas xayolga?

Yollarini yoyib şamolday

Uçgan otlar öxşar ayolga.

Yana gitaraga öxşaydi ayol,

Dengiz kabi ozod kuylari.

Yuragingni qayroqtoş kabi

Kelar unga otib öynaging.

Qafasga ham öxşab ketar u,

Bir juft ozod quşlar qamalgan.

Tutqun quşlar goho potirlab

Çiqib ketmoq istar qafasdan…

Xullas, Xudoning eng gözal asari

Qoşida turarman mudom hayron-lol.

Bir qiyos oldida bari behuda –

Erkning suvratiga öxşaydi ayol!

Nasrullo ERGAŞ

 

1988-yili tuğilgan. Özbekiston Milliy universitetining Özbek filologiyasi fakultetini tamomlagan.

“Ikkimizdan qolsin alanga”, “Yölga çiqqan toğlar”

nomli kitoblari naşr etilgan.

2024/2

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Oldingi
Keyingi

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.