154 marta körilgan

Derazam yonida yurasan yakkaş…

Nozima Aşurova

* * *

Baxtligim,

samoning yöqdir közlari,

Biz – işonç qalbidan tuğilgan titroq.

Öylasam, öylaring dardimdan nari,

Sen meni şunçaki

sevasan, biroq.

Bahorning hayotbaxş oqşomlari kuy,

Tuyğular jilovlar aqlning boşin.

Yillar hijronimdan taratadi böy,

Yurak osib qöyar sönggi bardoşin.

Böynimdan muhabbat sudragan köyi,

Evrilib boraman söngsiz nidoga.

Bilmaysan, jonimni garovga qöyib,

Yutqazib qöyganim seni Xudoga.

* * *

Kutaman. Yöllarga termulgança jim,

Hayoting öylayman xayoling bölib.

Sensiz yuragimning osmonlari dim,

Kelmasang, qoğozga qöyaman yulib.

Majnuntol silaydi yuzimni sekin,

Mayda öpiçlarga beraman xohiş.

Asta barglarini uçirar epkin,

Yuzimdan sidirar birgina boqiş.

Şamoldek yelasan atrofimda zir,

Qalbimda emaklar hislaring – çalkaş.

Nega? Aytgin menga, qolib adir, qir,

Derazam yonida yurasan yakkaş…

* * *

Men seni izladim

Xudodan boşqa

Xabardor bölmagan ötkinçi öydan.

Men seni izladim

Umidli yölning

Sen bilmas, sönggi yöq baxtli kuyidan.

Men seni izladim

Yöqolgan kuning

Sevgini nimtalab yozuqlarimda.

Men seni izladim

Asli heç qaçon

Tutmaganing – qölim çiziqlaridan.

* * *

Jimlik. Orkestr kuy boşlar böğilib,

Köngil çolğularga urar tarsaki.

Kuylar ölaverdi birdan tuğilib,

Ammo çalinmadi qalblar qarsagi.

Torlar barmoqlarga mixlangan köyi,

Çinqirab yuborar böşliqqa tomon.

Tomoşa ahlining közi öyildi,

Körlik balosiga mubtalo zamon.

Yuragi uzildi söngida vaqtning,

Tun va tong uyqaşlik kasb etdi zimdan.

Orkestr kuyini töxtatdi Bax(t)ning,

Öliklar sahnaga quladi birdan.

Nozima AŞUROVA

 

2004-yili Qaşqadaryo viloyatining Kitob tumanida tuğilgan. Navoiy davlat pedagogika instituti 4-bosqiç talabasi.

 

2024/9

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.