79 marta körilgan

Sizni aytib beraman…

Tölqin Siddiq

Matematika

Bitta-bitta qöşib çiq

Men aytajak sözlarni!

Ota, ona, qöşnilar,

Aka, uka, döstlarni.

Opa, singil, amaki,

Toğa, xola, ammani.

Bir-bir qöşib boraver

Bobo, buvi – hammani.

Maktab plyus mahalla,

Qirlar, soylar, buloqlar,

Yana qöşuv bir gala

Sigir, eçki, uloqlar.

Ularga qöş hovlini

Qozon, öçoq va tandir.

Barining yiğindisi,

Bilsang, ona Vatandir.

Qorboboga xat

Dadam dedi: – Bolalar,

Bersam sizga maslahat!

Kim nimani istasa

Qorboboga yozsin xat!

Oyim qilar qöşimça,

Qisqa-qisqa yötalib:

– Sovğa taşlab ketadi

Siz turgunça, ertalab.

Xullas, uxlaş oldidan

Qorboboga yozdik xat.

Akam kitob sörabdi,

Opam esa şokolad.

Men ham bir xat qoldirdim:

– Salom senga Qorbobo!

Qurbing yetsa oyimning

Dardlariga top davo!

Çarosning tuşi – 1

Çaros keça keçasi

Uxlaş uçun keç yotdi.

Bugun turib erta tong

Singlisiga söz qotdi.

– Madiş, qara, men bugun

Ajoyib tuş köribman.

Çiroyli bir maysazor

Örtasida turibman.

Kiyimlarim yap-yangi,

Qizğaldoqday qip-qizil.

– Yöğ-e, – dedi singlisi.

Çaros dedi: – Behazil.

Işonmasang akamdan

Sörab kör va bilib ol.

Dösti bilan yonimda

Öynar edi u futbol.

Çarosning tuşi – 2  

Çaros keça keçasi 

Uxlaş uçun keç yotdi. 

Bugun turib erta tong, 

Onasiga söz qotdi. 

– Aya, sizni tuş kördim, 

Yonginamda turibsiz. 

Körmaslikka oldingiz 

Nega meni körib siz?

Qaraşingiz istab men, 

Aya, dedim, çaqirdim. 

Bermadingiz eʼtibor, 

Qarang, dedim, baqirdim. 

Dadam uyqudan tursin, 

Sizni aytib beraman. 

Endi körsam siznimas 

Dadamni tuş köraman.

Tölqin Siddiq

 

1980-yili Qöşrabot tumanida tuğilgan.

Samarqand davlat çet tillar universitetida tahsil olgan.

Bolalar uçun “Elda aziz” nomli kiotobi çop etilgan.

 

2024/11

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.