55 marta körilgan

Ajdodlardan anʼana…

Sardor Sadullayev

Iqtidor

Adabiyot, tarixga

Men muntazam örtoqman.

Lek tasviriy sanʼatda,

Tan olayin, nönoqman.

Axir surat çizmoqlik

Mening işim emasdir…

Lekin ayni mavzuda

Bir gap aytay, tutmay sir:

– Tan berasiz, işoning,

Eşitsangiz bu işni:

Muşkulsiz uddalagum

Quyon rasmin çizişni.

 

Qadriyat

 

(piyoz tilidan)

Işim şudir aslida –

Közdan oqizarman yoş.

Ayrimlar savol berar:

– Nega qalbing bunça toş?

Ayb mendamas, azizlar,

Qilmangiz zinhor taʼna.

Közdan yoşni oqiziş

Ajdodlardan anʼana.

Çin döst

Yaxşi suhbatdoş izlab,

Öylangandan söng uzoq

Döst bölibdi omborda

Piyoz bilan sarimsoq.

Örtada körib baham

Quvonç-u dardlarini,

Bajara boşlaşibdi

Döstlikning şartlarini.

Hatto ötirmasa ham

Boşqalarning didiga,

Ular qilmabdi parvo

Bir-birining hidiga.

Keçikiş

– Har doimgi vaqtingdan

Kelding bir soat ötib.

Öğlim, nega keç qolding?

Közim tört böldi kutib.

– Oyi, biroz yolğonga

Öxşayapti sözingiz.

Ikkisin kördim,

qani –

Qolgan ikki közingiz?!

* * *

Oğriq yöqlab kelganda

Doktorga tuşib işi

Yumronqoziq oğaynim

Oldirdi qoziq tişin.

Hayron böldi biz kabi

Va xayolga toldi u.

Qoziq tişin oldirib,

Yumron bölib qoldi u.

Hordiq

Qöqqisdan miyasiga

Ğoya keldi ajib, zör.

Buni döstlari bilan

Baham kördi pomidor:

– Keling, özimiz uçun

Bir kun yaşab köramiz.

Bugun dam oliş kuni

Qizarmasdan turamiz.

Jabrdiyda

– Amaki, sizdan keça

Olgan edim xörozqand.

Töymasimdan tugadi,

Berdi menga juda pand.

Xörozqandçi xolaga

Arzimni aytib bering.

Iloji bölsa agar,

Pulimni qaytib bering.

* * *

Ovqat pişiryotgan çoğ

Erinmasdan har doim,

Taom ta’min muntazam

Tekşirib turar oyim.

Oyimning bu işini

Dasturilamal qilyapman.

Har kun uç-tört mahaldan,

Asal ta’min bilyapman.

Avlodlar almaşinuvi

Uyimda ön beş yoşli

Muzlatgiçim bor, işon.

Siyosatni tuşunar,

U judayam bilimdon.

Ötgan yil nafaqaga,

Çiqdi öşa hotamtoy.

Sababi yoş avlodga,

Yaratdi yangi iş joy.

Sardor Saʼdullayev

 

2001-yili Xorazm viloyati Qöşköpir tumanida tuğilgan.

Özbekiston jurna­listika va ommaviy kommunikatsiyalar universitetida tahsil olgan.

 

2025/4

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.