296 marta körilgan

Ayt, bahor, şodliging yangimi?

Olimjon Suyarov

Tun

 Yarim tun, yomğirlar tirnar derazam,
Tuyular şamolning tirnoği kabi.
Göyo men özimni tutib bermasam,
Bostirib kirguday körinar taʼbi.

Butun nigohimni oynaga tirab,
Qişki daraxtlarday qoldim munğayib,
Najotkor söz izlar lablarim titrab.
(Nahot, hamon qörqsam şunça ulğayib).

Yaşirib ne qildim qörqaman hamon,
Şu tun vahimasi uyqum öçirdi.
Axir, olisdagi muştipar onam,
Tungi şamollardan juda çöçirdi.

Bahor

 Sen oçgan gullarning çeçagi

Aritar qahraton zangini.

Qiyofang hamon şu – keçagi,

Ayt, bahor, şodliging yangimi?

 

Tabassum yugurib labimga,

Daraxtdan izlardim kurtakni.

Söng taskin bergança qalbimga,

Ovutib qöyardim yurakni.

 

Kunlarga tarqatib taskinlar,

Men kutib yaşardim köklamni.

Şaʼningga öqildi tahsinlar

Va gulga kömding sen ölkamni.

 

Şamolning ham sillasi qurib,

Daraxtni uyğon deb siltaşar.

Kurtaklar ketadi barq urib,

Yuraklar gupirar, dil toşar.

 

Maysani ohista avaylab,

Yomğirni bir mayin tökarding.

Qalbimga quvonçlar jo aylab,

Ilk bora yurakda kökarding.

 

Ari

 Deraza oldida izillar hamon,

Xonaga qamalib qolgan bir ari.

Özini uradi taşqari tomon,

Ammo heç ötolmas oynadan nari.

 

Hadeb derazaga boş uraverar,

Erkidan ajralib qolgan bu ari.

Lek faqat oldinga intilaverar,

Mahkum bölganini bilgani sari.

 

Armon

 Endi seni qilmam bezovta,

Meni ham qöyaver holimga.

Işq ötin qalagan kosovda,

Çöpon bölay bor armonimga.

 

Yillar kelar böridek bölib,

Armonlarim bir-bir ğajiydi.

Yoşlanadi közlarim körib,

Nima qilay? Jonim açiydi.

 

Örtasa-da u firoq dardi,

Yillar etdi baridan xalos.

Mana, bugun soç ham oqardi,

Lek bitta armonim yöqolmas.

 

U titadi yurak qörimni,

Kul içidan hamon çöğ izlar.

Yillar bölib kelgan börini

Öşa  armon bir-bir böğizlar.

 

***

Yuragingiz közlab qoq,

Otgan  edim nayzalar.

Bu öqlarim endi, oh,

Öz köksimga qaytsalar.

 

Sevgim  izhor  aylaşga

Netay? Yetmadi  qurbim.

Orzularim almaşgan,

Armondan qasr qurdim.

 

Dil yaram bitmas hanuz,

Nigohingiz öq urgan.

Boray  deyman-u, afsus,

Nikohingiz öqilgan.

 

Olimjon Suyarov

1991-yili tuğilgan.  Guliston davlat universitetining özbek filologiyasi fakultetini tamomlagan.

“Yoşlik” jurnaliga obuna böling · indeks 822

Obuna haqida

Izohlar (2)

  1. Ozodbek Mirzayev

    Olimjon Suyunov akmizni şerlaridagi original goyalari, ozigaxos fantaziyalari menga juda yokdi. Ayniksa Tun şeridagi xolat maxirona tasvirlangan. Olimjon akamizni ijodlariga omad tilayman!!!!

  2. Mahfuza Aşurova

    Ustoz Iqbol Mirzo aytganlariday , xalq dardini kuylab ,qöşiqlar kuylaşdan çarçamasinlar ,şoir Olimjon Suyarov. ijodiy parvozlar tilaymiz.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.