374 marta körilgan

Örtamizda işq – köprik…

Nigora Toşmurodova

Tabibga…

 

Qöl çiqdi. Tabib tomon

Burdim asta yölimni.

Kim ham sola olardi

Şeʼrdan çiqqan qölimni.

 

Issiğim bor, dorini

Içdim basma-basiga.

Ayting-çi davo bormi

Qalbim isitmasiga?

 

Qonimni quyuq deysiz,

Eritar quyoş botgan.

Qon emas, oqmas bölib,

Közlarimda yoş qotgan.

 

Tanga kirib oldi jim,

Bordir na böy, na tusi.

Emlanmay qolgan edim,

Yuqdi yolğon virusi.

 

Uring qoq yuragimga

Şifoli nina tiğin.

Özim özimga qöygan

Taşxis: vijdon oğriği,

Taşxis: imon oğriği.

 

 

 

 

 

Ziddiyat

 

Ikkalamiz – ikki qirğoq,

Örtada hajr – daryo,

Örtamizda işq – köprik.

Termulib turamiz bir-birimizga,

Köramiz dillarimizda gullar unganin:

Menikida – işonç guli,

Senikida – şubha.

 

Men bosib ötyapman işq köprigini,

Sen çekinyapsan.

Göyo hajr sahro-yu – kengaymoqda,

Sen qurib boryapsan daryoday.

U seni bosib ötmoqda.

 

 

* * *

Sevgining köz yummoğiga közin yumdi yuragim,

Közim nurin ado qildi bilolmayin ne vasl.

Borliğimni kuydirguvçi işq taftidan yaşnagan

Soğimçimning daraxtida pişdi sabrim mevasi.

 

Endi ular mayin esgan yelga ham doş berolmas –

Tökiladi.

Nigora Toşmurodova

 

1997-yili tuğilgan.

Alişer Navoiy nomidagi Toşkent davlat özbek tili va adabi­yoti universiteti talabasi.

“Yoşlik” jurnaliga obuna böling · indeks 822

Obuna haqida

Izohlar (3)

  1. ZAFAR SAIDOV

    "Tabibga…" şeʼri ajoyib çiqibdi. Ammo keyingi şeʼrlar uçun bu fikr noörin.

  2. Xoliqova Madina

    Yaxşi

  3. Ğiyosiddin Önarov Tahririyat

    Zör!

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.