225 marta körilgan

Soyam meni yölga boşlardi…

Eşqobil Vali

Tuman

 

Bir osmon

Nam töşak,

Börqsitar nam par.

Kötarilar ilohiy körpa…

Niliy devordan

Oşib tuşar

Registonning

Uçinçi şeri.

 

 

ЄIŞKI SAMARQAND

 

Registonning tomidagi qor

Bunça gözal, bunça serviqor;

Göyo oppoq salla öragan

Tarix otli keksa oqsoqol.

 

Ruhobodning oppoq gumbazi,

Momom aytgan allaga öxşar.

Jaranglaydi kumuş ovozi,

Na unutib, na eslab bölar.

 

Qiliç misol yaltiraydi qiş,

Gör Amirning tarnovlarida.

Tört tomonda törtta Alpomiş

Tiğ tutgandek bedovlarida.

 

Ketib qolgan baxşi bobomlar,

Registonning miyonasidan.

Qantar oğsa, balki qaytarlar,

Oftob tegib peşonasidan.

 

LIRIKA

 

Bir qir oşdim – yastangandi tun –

Men yöqolgan qöyim izlardim.

Vujudimdan ön karra uzun

Soyam meni yölga boşlardi…

 

Bir sir kördim Hazrat Dovudning

Nurga tölgan pok ğorlarida.

Izlarini kördim umidning

Xarsang ğorning devorlarida.

 

Jaranglardi bir nurli ovoz,

Taralardi ovozki nurli,

Zör qoyalar tinglaşardi ğoz

Ajib borliq ajib ham sirli.

 

Mağrur toğlar, daydi şamolning

Qoçgan edi çatoq ruhlari.

Çizilgandi rasmi xayolning

Muallifin körmas közlarim.

 

Men angladim öşanda birdan,

Qidirib borganim jonliqmas…

Közim gavharini zulmatga tökdim

Mangu bir vaslga oşno bölgani!

 

 

 

* * *

Yuragimni moy bosmiş zimdan

Şuurimni qoplamiş tuman.

Çiqolmayman şahri azimdan

Öksir mendan uzoq bir tuman.

 

Har şanbada yerlar muzğaloq,

Har yakşanba tuğar xotinim.

Har duşanba işda iş çatoq,

Boşqa kunlar “portlar” moşinim.

 

Semiraman göşti qabondan,

Şundan it göşt qilaman gazak.

Nusxa olib ajib zamondan,

Televizordek töqiyman ertak.

 

Söng öqiyman sekin, içimda,

Har bir misra çekadi yohu.

Yuragimni moy bosar çindan,

Közlarimni elitar uyqu.

 

 * * *

Xiyonat kuydirib aldangan işqni,

Ortmoqlab suzadi yelkansiz kema,

Jiqqa höl tuyğular nam yukxonada

Borar, indama…

 

Uçrar-da bu ulkan suvda bandargoh,

Töxtar-da biror kun tinimsiz oqim…

Töxta, deb allakim qiladi ogoh,

Ketdik, deb etagim tortar allakim.

 

Bu çeksiz kenglikdir, moviy sarhaddir,

Söngiga yetmassan, qança ölçama.

Bu eng ulkan dengiz – çöng muhabbatdir,

Sözmoqda kema,

Suzmoqda kema,

Suzar, indama.

 

 

TASKIN

Yana ulgurmadik, yana qor yoğdi,

Yana hislarimni qopladi tuman.

Yana kuntarozi tunlarga oğdi,

Aytmoq sözlarimni böğdi Yosuman!

 

Na sevgi, na soqi berolmas taskin.

Vujudni larzaga soladi oğriq.

Döstlar tark etadi, bildirmay sekin,

Xira moğorlaydi mehrsiz borliq.

 

… Hali köp vaqtim bor, umidim bisyor:

Ne-ne yöqotişga bardoş beroldim.

Bizga nima böpti, axir, sovuq qor,

Hali köp qorlarni köramiz, qalbim.

 

Eşqobil Vali

 1965-yili tuğilgan. Samarqand davlat universitetini tamomlagan. “Paxsa qişloğim”, “Ming ikkinçi keça”, “Sukunat mulki”, “Askar kundaligi” nomli nasriy va şeʼriy töplamlar muallifi.

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.