279 marta körilgan

Toğlar qizğanmaydi mendan özini…

Şodi Otamurod

Uning…

Qişlarini menga berganmi,

Yoğayotgan qorlari kammi,

Soğinçlardan oppoq gilamni

Töşayotir –

Yozida yöqman.

Yiroqlarda hilpirar römol,

Xayolidan öçdim, ehtimol,

Hijronlardan yuqtirmay malol,

Yaşayotir –

Yodida yöqman.

Nigohini mendan berkitib,

Köksimdagi muzni eritib,

Yuragimning eşigin çertib,

Kelayotir –

Yonida yöqman…

Yöl…

Şoir ukam Sayfiddin Okanovga

Işq deguvçi kaʼbam bor,

Qaytdim degan tavbam bor,

Qalb nuridan tortsam dor

Kaʼbamdan kaʼbamgaça.

Inson qayon ketgaydir,

Madad izlab goh daydir.

Muhabbat köp – yetgaydir

Odamdan odamgaça.

Tuğilmoqlik azobi

Ölmoqlikning kitobi,

Topilgaymi javobi

U damdan bu damgaça.

Uçratganing döstmi, yot,

Yöl poylarmi ul sayyod,

Hisoblimi bu hayot

Qadamdan qadamgaça.

Ortda qolgan izlarim,

Goh butundir, goh yarim.

Yölin topgay sözlarim

Qalamdan qalamgaça.

Yölovçingman, ey dunyo,

Umidlarga men ham yor.

Köngil degan çiptam bor

Köklamdan köklamgaça…

Hol

Vo ajab, könglimdan ohlar ötgaydir,

Şu ohlar meniki zorlari bilan.

Yana gunoh qilsam, xudo, keçirgin,

Şu jazo meniki dorlari bilan.

Toğlar qizğanmaydi mendan özini,

Şu toğlar meniki qorlari bilan.

Men ham turibman-ku qatoringizda,

Şu qator meniki norlari bilan.

Özi eslatgaydir insonligimni,

Şu ğurur meniki orlari bilan.

* * *

Şu ekanmi bir kam dunyo,

Nayza bor-u kamonim yöq.

Yomonlardan yomon yorim,

Yonimda şu yomonim yöq.

Tökildim men şamollarda,

Uçirdilar, somonim yöq.

Tortişdilar tegirmonda,

Tortilmagan tomonim yöq.

Muhabbatda podşoman-u

Ammo biror farmonim yöq.

Oy yuzini bir körsaydim,

Armonim yöq, armonim yöq.

Alloh bilar kam-u köstim –

Imonim bor, gumonim yöq.

Bu işqimning savdosiga

Doş berguçi zamonim yöq…

* * *

Öxşar uçayotgan quşga bu dunyo,

Yo öxşar lahzalik tuşga bu dunyo.

Taşvişlar xaltasi qöltiğidadir,

Ketmoqdadir qaysi işga bu dunyo.

Qança bekatlardan töxtamay ötdi,

Qaygadir şoşgani şoşgan bu dunyo.

Bilaman, azobin içga yutadir,

Qöymoqda tişini tişga bu dunyo.

Qança siri bölsa, şunça yaşirin,

Aytmaydi, içidan pişgan bu dunyo.

Yoyilib yotar u barmoqlarimdek,

Aylansa yaxşiydi muştga bu dunyo.

Çanqagan savobning boğiga yetmay,

Gunoh qirğoğidan toşgan bu dunyo.

Sinovda topşirar neça bahoga,

Ikkigami yoki beşga bu dunyo.

Jilvasi bizlarni rom etgan sari,

Baʼzida haddidan oşgan bu dunyo.

Kiprik orasida omonatdir u,

Öxşaydi közdagi yoşga bu dunyo.

Men-ku öz holimni anglarman, ammo

Bilmayman, ne köyga tuşgan bu dunyo…

Şodi OTAMUROD

1978-yili tuğilgan. Özbekiston Milliy universitetining jurnalistika fakultetini tamomlagan. “Soğinç ranglari” hamda bolalarga atalgan “Muloyim muşuk” nomli şeʼriy töplami naşr etilgan.

2021/7

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.