420 marta körilgan

Yoşlik daftariga

Ikrom Iskandar

muhabbat dueti yoxud bir sevgi dostoni

E işq, ğarib kimiyosen.

Alişer Navoiy

Odam yoşi ötgani sayin yoşligiga qaytaverar ekan…

Öşa paytlarda ommalaşgan yoşlik daftarlarini eslayman. Inçunun, ulardagi favqulodda sodda va samimiy şeʼrlarni. Köngillarni baloğatga yetkazar, tuyğularimizni pişitar edi bu satrlar. Yuraklarimiz sevgi ötida örtanib, behavolat bölganida öşa şeʼrlardan malham izlaganmiz, topganmiz ham. Afsuski, daftarlarda ularning mualliflari yozilmas, faqat şeʼrlargina varaqlar va xotiralarda muhrlanar edi.

Ehtimol, hozir ham yoşlar şeʼr öqişar, yoşlik daftarlari tutişar va ularga qalblarida ğalayon qilayotgan tuyğularning ifodasi bölmiş satrlarni bitarlar?.. Bu yozilmişlar şunday daftarlardan örin olsa, undan qay bir köngil malham topsa, kimnidir şeʼrga oşno qilsa – muallif nomi unutilişiga-da rozi.

Muallifdan

Yigit

Çaman – anvo, gullar anvoyi,

Sarin havo, quşlar havoyi.

Olov kabi köngil avzoyi

Yana gurlab yonmoqqa moyil.

Boğ içra yuz oçdiyu ğunça,

Gul uzatdi menga ilinib.

Şul sehrli saharda, hatto

Tuşunyapman bulbul tilini.

Qiz

Tuyib salqin ariq böyida

Hilvat hilvalarning böyini,

Şarqiragan suvlar kuyida

Avjdir jilvalarning öyini.        

Dil şabnamdir, ğunçalar namrang,

Bunda tuyğu gullamiş çaman.

Şabnamlarda yuzini yuvgan

Gullar bilan suhbatlaşaman.

Yigit

Osoyişta hayotim içra

Bir ğalayon kirdiyu tuyqus,

Halovatim yöqoldi kunlar,

Tunlar közdan yöqoldi uyqu.

Qanday sokin edi bir paytlar,

Endi bunça tez urayotir –

Nega yurak köksimga siğmay,

Dukur-dukur yugurayotir?

Qiz

Bir toşqin bor köksimda manim,

Şunça şitob erirmikan qor?

Bir tongda köz oçdimu nogoh

Sezdim, bu gal özgaça bahor.

Hayodanmi yonar yuzlarim,

Qayga boşlar meni dil izni,

Qanday atay, hali bilmayman,

Yuragimda uyğongan hisni.

Yigit

Kezib sarxuş xayollar içra,

Men-da sezdim, özgaça bahor,

Goh nur yoğar keçalarida,

Kunduzida goh tiyralik bor.

Közlarimda çaqnaydi çaqin,

Köksimda bir şamol yeladi.

Tonglar turib töliqib, toshib,

Yomğirlarday yoğgim keladi.

Qiz

Şamol, qurğur, tinmaydi bunça,

Balki sirim oçmoq bölar u,

Soçim yulqib, xayollarimni

Yo öğirlab qoçmoq bölar u.

Öyinqaroq örtoğim edi,

Endi esa boşqaça tamom:

Tortqilaydi şamol yengimdan

Men bilmagan bir manzil tomon.

Yigit

Qalbga kirgan asov tuyğular

Nega heç böy bermaydi menga?

Nega sendan uzolmayman köz,

Nega doim intilgum senga?

Aqlim olgan nomsiz bu hisning

Sezgandayman nima ekanin,

Muhabbatdir balki bu kelgan,

Balki şuldir sevgi degani?

Qiz

Qalbimda bir intizorlik bor,

Ötarmanu yoningdan abas,

Senga bir bor köz taşlolmayman,

Nigohingni sezib turgum, bas.

Soğinarman seni jimgina,

Soğinarman seni hamişa.

Aytolmayman men buni faqat,

Yuragimda hokim andişa.

Yigit

Angladimki, hayotim özing,

Bu hayotda anglaganim şul:

Sen dilimda yuz oçgan ğunça,

Men qoşingda mahliyo bulbul.

Yöqdir sendan özga ilinjim,

Faqat bir bor körmoq tilagim.

Mendan oldin, mendan ham ildam

Sen tomonga çopar yuragim.

Qiz

Köksim içra potirlab qalbim,

Sen tomonga şoşgani-şoşgan.

Ğunçasini tars yorib gullar

Intilgani kabi quyoşga.

Suvratim gar sokin esa-da,

Bir öt içra jizğanak yurak.

Ğunça şunday sevar, ehtimol,

Gullar şunday sevsalar kerak.

Yigit

Kunimga zavq, tunimga yoğdu

Ulaşganda nurli xayoling,

Tortar meni ohanraboday

Yuzingdagi bir dona xoling.

Men köp narsa tilamasman, yöq,

Senga yetmoq havasdur menga.

Yillar baxtli yurişim uçun

Bir bor boqsang – şu basdur menga.

Qiz

Sevgim qanday etay eʼtirof,

Qanday oçay könglimning köşkin –

Axir, bulbul sevgan gulining

Nigohidan sezmasmi işqin?

Sevgi otli tuyğu dilimda

Ipak kabi qatlanar qat-qat.

Yuraklarim gupursa-da, lek

Nigohlarim yer çizar faqat.

Yigit

Seni sevsam ranjima, dilbar,

Yoş qalbingga bermagil ozor.

Bu dunyoda axir bir qatra

Mehrga ham taşnalar bisyor.

Sevdim desam ranjima aslo,

Azoblarga diling tölğama.

Jim va sobit sevarman seni

Va heç narsa qilmasman tama.

Qiz

Bir boqişing men uçun hayot,

Yuragimning naqşi-ganjisan.

Nahot buni anglamas bölsam,

Nahot sohir işqdan ranjisam.

Balki, lozim şukur aylamoq,

Uçraştirdi bizlarni taqdir.

“Sevdim” degan birgina sözing

Men uçun bir umrlik baxtdir.

Yigit

Sen borsanki, totlidir hayot,

Sen borsanki, gözaldir dunyo.

Sen borsanki, quvonç bor, gulim,

Sen borsanki, osmon musaffo.

Seni körsam közlarimda nur,

Seni körsam yayragay dilim.

Seni desam gulni deb yongan

Bulbul kabi sayraydi tilim.

Qiz

Sen – yuragim kuylagan qöşiq,

Sen – dilimda yangragan navo.

Sening öying bilan gözaldir

Borliğimni qurşagan maʼvo.

Xayolimda özingsan kunlar,

Tuşlarimda seni köraman.

Mehr töla sözlaringni men

Yuragimda olib yuraman.

Yigit

Asov qalbni olib tizginga,

Sokin dilga solgan ğalayon

Işq atalmiş ul sehrgarning

Endi menga sirlari ayon.

Qaqroq qalbda gul kökartirgan

Ne möjiza dunyo ekan işq.

Kuylagandek uluğ Navoiy:

Bir ğaroyib kimyo ekan işq…

Qiz

…Sönggi damlar qandaydir ğaşlik

Tinçim uzra solmoqda soya.

Buni hatto öylamoq qörqinç,

Topmasmikan şodlik nihoya?

Qörqamanki, nogoh ayriliq

Berar bölsa visolga barham,

Qutqarolmas bizlarni hatto

Işq atalmiş ul sehrgar ham…

Yigit

O, bu sözni sözlama zinhor,

Dilingdan ham ötkazmagil, bas.

Axir, gulgun bahor faslida

Qahratonga ne uçun havas?

Neçun şunday quvonçli damda

Yuragingni ezayotir ğam?

Qöy, örtanma, işqimiz kabi

Mangulikdir bizning visol ham.

Qiz

Kelganidek kun ortidan tun,

Gul ortidan xazon ham takror,

Garçi buni istamasak-da,

Visolning ham ayriliği bor.

Sevgi borki, hijron ham haqdir,

Hali töymay visolning iliq

Nafasiga, naçora, bizni

Quçoğiga olar ayriliq…

Yigit

Quvonç topgum sening yoningda,

Menga sening yoningdadir baxt.

Agar bir dam ayrilar bölsam,

Tamom, endi töxtab qolar vaqt.

Biz birgamiz – hayot ham totli,

Biz birgamiz – quyoş çaroğon.

Mayli, har ne şartingga köngum,

Ayrilmaylik faqat heç qaçon.

Qiz

Keçir meni, taqdir degani

Endi mening izmimda emas.

Örtasa-da hijron va lekin

Qalbim sendan özgani demas.

Sening sevging, sening xayoling

Qalbim şoyon, oşiyon etdi…

Ne qilurmiz, endi, xöp, xayr,

Ayrilmoqning fursati yetdi.

Yigit

Xöp, xayr, deysan, fursat ham yetdi,

Keldi hijron jomin içmoq payt.

Baxayrmi bu, bilmam va seni

Qayta topa olurmanmi, ayt?

Nahot şunça oniy bu fasl?

Nahot visol köklami ötib,

Qalbda ungan işq çeçagini

Qovjiratsa hijronning öti?

Qiz

Sen noumid bölmagil heç ham,

Mudom orzu bölsin senga yor.

Bizga surur bergan damlarning

Bahor kabi qaytişi ham bor.

Qalbimdadir, sen bilan keçgan

Şodon kunlar bölmagay unut.

Sen ham meni unutma zinhor

Va işonib xuş onlarni kut…

Yigit

…Qaylardasan, qalbim malagi,

Omon bölgin qayda bölsang ham.

Neça kunki, mana, men sensiz

Yaşayapman ozurda, purğam.

Ne qilarim bilmayman, illo,

Dilda nido, közlarimda nam…

…Qaylardasan, qalbim malagi,

Omon bölgin qayda bölsang ham.

Qiz

Sensiz kunlar, oylar ötmoqda,

Ulğaymoqda hijronning yoşi.

Bu kun ojiz qalbimni hatto

Qizdirolmas yozning quyoşi.

Muzlab borar yurak tobora,

Na oh tortar, na çekadi un.

Tuşunmasdan uning holiga, 

Köz oldimda karaxtdir iyun.

Yigit

Örtamizda olis masofa.

Örtasa-da bizlarni hijron,

Öksinmasin yuraklar aslo,

Gul sevgimiz bilmasin xazon.

Kuzgi boğlar libosi kabi

Sarğaymasin umid yaproği.

Sevgimizni şunday imtihon

Qilar balki işqning firoği.

Qiz

Sinovlarga berurman bardoş,

Faqat dilda bitta ökinç bor:

Yöl bermadi menga andişa,

Etolmadim işqimni oşkor.

Aytolmadim senga sevgimni,

Izhorlarim heçdir, ehtimol,

Şu vaqtgaça erta deb edim,

Endi esa… keçdir, ehtimol.

Yigit

Seni har gal uçratganimda

Yuragingni tinglar edim men.

Aytolmagan dil iqroringni

Közlaringdan anglar edim men.

Bugun esa sendan uzoqda

Qalbim soğinç ötida yoqib,

Körsam deyman yana masʼum işq

Eʼtirofin közingga boqib.

Qiz

Bu ayriliq, bu ğamli kunlar

Çözilgandan-çözilib, hayhot,

Xivadagi Kaltaminorday

Nihoyasin topmaydi nahot?

Bilmas edim men buni, bunça

Qattiq ekan hijronning qahri.

Yuragimga uning tobora

Çuqur botib bormoqda zahri.

Yigit

Bir mahallar bir naqş singari,

Öygan kabi işqing yurakka,

Ikki harfni biri-biriga

Qöşib bitgan edim terakka.

Bugun adil terakka qarab,

Yana dilni ezayotir ğam,

Ayrilişib bormoqda unda

Ismimizning boş harflari ham.

Qiz

Bu dunyoda qiş va qahraton…

Bu dunyoda bir-biriga zor

Senu menu va örtamizda

Iz tuşmagan qor va hijron bor.

Bu dunyoda qiş va qahraton…

Sölmasmikan umid kurtagi?

Ayriliqda, bilmadim, qanday

Yakun topar bu işq ertagi?

Yigit

Bu dunyoda barça ertaklar

Ezgu yakun topgani misol,

Bizni kutib turar begumon

Işq qissasin söngida visol.

Tezroq kelsin deya öşal on,

Parvo qilmay közim yoşiga,

Yuragimda yongan alanga

Madad berar qiş quyoşiga.

Qiz

Men jaladan qoçgandek çopib,

Hijroningdan qoçib boraman.

Soçimdan to qadamimgaça

Suvday anduh soçib boraman.

Borayapman tunu kun tinsiz

Huzuringga – armonlarim möl,

Yuraklarim darddan şalabbo,

Usti-boşim ğamdan jiqqa höl.

Yigit

Işon, senga yeturman bir kun,

Garçi örtamizda tobora

Goh yillar, goh yöllar uzundir,

Topa olgum vaslingga çora.

Bizga albat bölgay muyassar

Oşiq, muştoq dillar matlabi.

Darak berar menga bahordan

Qoşlaring ham qaldirğoç kabi.

Qiz

Yana kelar biz kutgan visol,

Yana bahor şodlikka tölib.

Bu ayriliq, bu ğamli kunlar

Qolgay faqat xotira bölib.

Yana kelar biz kutgan visol,

Yana senga qalbim tutaman.

Işonaman öşa kunga va

Kutaman, kutaman, kutaman…

Yigit

Biz yetgaymiz visolga bir kun,

Bizni şodlik quçadi takror.

Çunki uzun tunlar ortidan

Keladigan oppoq tonglar bor.

Biz yetgaymiz visolga bir kun,

Topgaydirmiz unut izlarni,

Aylanmoqda zamin ham, illo,

Uçraştirmoq uçun bizlarni.

Ikrom ISKANDAR

1972-yili tuğilgan. Özbekiston Milliy universiteti jurnalistika fakultetida tahsil olgan.

“Bir dasta gul”, “Bahorni izlayman”, “Bugungi naqllar”, “Yomğirli fasl”, “Yaşil xirgoyi”,  “Fasllar ohangi”, “Şamol qöşiği” kabi kitoblari çop etildi.

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.