446 marta körilgan

Yuragim ummonga aylanib ketsin

Yuragim ummonga aylanib ketsin

Azamat XUDOYBERGAN

***
Sening qalbing misoli quyoş,
Mening qalbim oydir, dilbarim.
Hijroningdan yuragimda doğ,
Ayriliqdan bu könglim yarim.
 
Sen hammaga birdek jilmayib
Muhabbating, mehring soçasan.
Senga qarab qança talpinsam,
Sen şunçalik mendan qoçasan.
 
Birlaştirmas bizlarni taqdir,
Ayriliq bizlarni toblaydi.
Oy quyoşga qaçon yetişsa,
Dunyoni zulmatlar qoplaydi.

Feruza XAYRULLAYEVA

***
Otam dengizlarni körmagan hali,
Onamning tuşiga kirarmiş ummon.
Ikki jon havasi yuragim öyib,
Tölğonib ketaman tuşlarda yomon.

Men qanday yomonman, men qanday yomon,
Köksimda bir gul ham unmaydi – qaqroq.
Otam dalalarga sepganda buğdoy,
Onamga keltirib berar qizğaldoq.

Hamon yaşayapman osmon ostida,
Bugunim, ertamdan köngil juda töq…
Otam tuşlariga kirib çiqaman,
Onam soğinçining adoqlari yöq.

Men bunda qidirib yurgan muhabbat –
Onam közlariga siğolgan kenglik.
Alamim kelyapti, alam qilyapti –
Dunyoda heç qaçon bölmagan tenglik!

Bölmasa men ham yaralarmidim,
Otamga qiz bölib, onamga – borliq.
Yaralmasmidim, tenglik bölganda
Bir boşoq bölibmi, qizğaldoq bölib!

O, meni dunyoga tutaştir, Tangrim!
Yuragim ummonga aylanib ketsin.
Otam tölqinlarni kuzatgan onda
Onam yuzlarini ummonda yuvsin!

Bek Ali

Kutdim

Kutdim seni oppoq tonggaça,
Sen boşqaça – olam boşqaça.
Daraxtdagi quş aytdi menga,
Vaqt ötaru nolam boşqaça!

Tong. Quyoşning har bir zarrasi
Va tong qöygan hayot marrasi.
Boşqaçaroq tuyulmiş senga
Hayotimning qoralamasi.

Nahot, boşqa bölgansan bugun,
Nahot, boşqa-boşqa tilaging.
Nahot, boşqa ekanligingni
Tan oladi şörlik Yuraging!

Ruxşona AŞUROVA

***
Nazarim ötkirdir, ey haykaltaroş,
Nigohim toşlarni taroşlari bor.
Faqat xavotirim: közim tegmasin,
Bir senga boşqaça qaraşlarim bor.

Sangzorlar gulzorga aylanar ekan,
Eşitdim azaliy taʼriflaringni.
Lek sening yuraging taroşlanmagan,
Ming yilki, kutaman taşriflaringni.

Ozorim, bu qadoq qöllaringni ber,
Toşga singib ketgan odamsimonsan,
Odamni sevarding, ehtimol, sen bir
Kelib köz yoşimga poklanib olsang.

Y O Rabbiy, bu odam bölmaydi neçun?!
Ming şukr, omondir bu tandagi jon,
Lek uning qölida gullamoq uçun
Men toşga aylanib qolay, Xudojon.

Abdulla ŞARAFIDDINOV

Yurt işqi

Yurt işqida yongan yurakman,
Eng çiroyli sevgimdir Vatan
Har göşasi ardoqli, suyuk,
Qalbimdadir gullagan çaman.

Vatan sabab dil osmonida
Baxt yomğiri yoğilib turar.
Şu vatanda tuğilganimga
Har köngilning havasi kelar.

Gulzorida gulçeçaklarin
Sölmoğiga yöl qöymaganman.
Vatan ila tuşgan suratim
Köksim içra joylaganman.

Men vatanim sevaveraman,
Kundan gözal kundayligiça.
Asli unga oşiq bölganman
Qanday bölsa, şundayligiça.

Alişer BOYMURODOV

Şeʼr öğrisiga

Töxta! Endi qölingni kötar,
Huv devorga bölgin yuztuban.
Yillar ötar, umrlar ötar,
Bölib qolma deyman söztuban!?

Sen öğrisan, maşhur öğrisan,
Şoirlarni tunaysan nuqul.
Şeʼrlar közyoş tökmasin uçun
Qölimda jon berganing maʼqul.

Tuşirmagin qölingni pastga,
Ölsang hasad alamidan öl.
Menga qolsa öqimdan emas,
Faqat öğri qalamingdan öl.

Qofiyani qiynama, böldi,
Jahannamga töppa-töğrisan.
Bir söz yöqdir seni oqlaşga,
Sen öğrisan! Ha, ha, öğrisan.

Bir söz yöqdir seni oqlaşga…

Mehriniso Topiyeva

***
Alpomişga havas qilaman,
Xalqim, degan çin xoqon edi.
Barçinini yovlarga bermas,
Nomus-orli mard öğlon edi.
Farhod bölgim kelar mening ham,
Qani, undan işq darsin olsam.
Jasoratni olsam Tohirdan –
Zuhro uçun har nega qodir.
Mardonavor kuraşda meni
Yengolmasdi birorta botir.
Lekin Tangrim istamadimi,
Afsus, menga bermadi qanot.
Men qiz bölib yaralganimdan
Sen köp narsa boy berding, hayot.

Mohidil ABDULLAYEVA
Dastxat

Kök sandiği oçildi,
Yerga soçdi oppoq qor.
Uyda rosa dam olgan
Soyabonda işim bor.

Qayerdasiz, etikçam,
Koptogi bor oq qalpoq?
Zerikib qolmadingmi,
Çiroyli qizil qölqop?

Maktab maydoni gavjum,
Yasadik biz qorbola.
Qorböron nomli jangda
Yaralandi bir bola.

Qişning ham öz gaşti bor,
Çanalar bizga ilhaq.
Tongda ayoz qöyibdi
Derazamizga dastxat.

Hafiza ABDUMALIKOVA

* * *
Söroqman.
Titroqman.
Tuproqman –
Oyoğingiz ostiga qarang,
Men u yerda köproqman.

Dengizman.
Toşqinman.
Tölqinman –
Yoningizga boraman, kuting.
Kuç-ğayratga töldim – şoşqinman.
Men gulman.
Bahorman
Va gulbahorman –
Qalbingiz toşlari yölimni tösgan,
Erkin oqolmayotgan anhorman.

Şabnamman.
Yaproqman
Va erkin quşman –
Osmonga qaramang,
Şunçaki tuşman.

Betobman.
Kitobman.
Yuz bobman –
Muqaddimadan to xotimagaça
Sizni qoralayotgan azobman.

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.