* * *
Kamalak rangidan jilo,
kapalakdan nafislik olib,
suvlardan sörab şaffoflik,
soflikdan köçirib nusxa,
gul bargidan ğişt terib,
quyoş yoğdusi-la yopib tom,
asl saroy qurdim, döstlarim,
şoh – qalbim,
fuqaro – tuyğular uçun.
Yuragimga vatan yaratib,
asramoqqa etildim mahkum:
– Artib kiring oyoğingizni…
Qölingizda gul bilan keling.
Tartiblang kiyim, soçingiz…
Töxtang!
Yuvib oling xayolingizni!
Musofir
Bu şaharda
qimtinmasdan kuliş mumkinmikin?!
Tanib qolmasmikin iztirob
yuzimdagi öz imzosi –
ajinlardan.
Suriş mumkinmikin
yoruğ xayollar?!
Sirim sotmasmikin
soçim –
qora ğamning ayğoqçilari.
Bu şaharda
atigi bir lahza
ayro tuşiş mumkinmikin
ayriliqdan…
* * *
Peşonangdagi yozuqni öqirkan qismat,
Ilğamay ötkazib yubordi meni –
Xatoni.
* * *
Sen baxtlisan, Sizif, toşing pastga yumalar.
Men-çi, bir lahzada turib qolganman.
Ğamning çöqqisiga çiqsam-da, yumalamas –
TOŞ QOTGAN KÖZ YoŞ.
* * *
Yillarni ilib qöydim,
Uçirib ketsa ketar şamollar.
Yillardan ham battar şoşyapman.
Şamoldan ham battar şoşyapman.
Bir nafasni ikki şukrga köpaytiraman.
Hijronni bölaman ikkiga.
Ikki barobar köp tikilaman
Onamning yuzlariga.
Tiriklik madhiyasi –
ajinlarin yodlab olaman.
Hayotni yengaman
Sevib ikki barobar…
* * *
Hayotsevar bahor
va
qaynoq muhabbatli yoz
edik ikkimiz.
Parişon soçlari tözib
keldi kuz –
maʼyus qiz.
Yomğirman. Tomaman çak-çak:
– Ketsin kuz!
Şamolman. Uvlayman:
– Ketsin kuz!
Daraxtman. Soçlarim yulaman:
– Ketsin kuz!
Keçir, kuz.
Men ketolmayman.
Bahorman.
Ğamni kötarolmayman.
SABR
Öğlim Nadimbekka
1
Böronga çidadim.
Könglimni yoritgan
şamni öçirdi.
Onam meni kutardi.
Soğindim. Keyin
uni unutdim.
Sabr – vaqt.
Ötib ketadi.
Jumladan, men ham.
2
Nadimim – najotim,
Sabr qilma.
Ulğay! Gulla!
Sev!
Iztirobni
aylantir gulga!
Sabr – kuz.
Ortidan faqat
qiş kelar.
Nadimim – taskinim,
sabr qilma ğamga,
tinimsiz,
muttasil,
har lahza
men uçun
baxtli böl!
Dilrabo MINGBOYeVA
1980-yili tuğilgan. Özbekiston Milliy universitetining jurnalistika fakultetida tahsil olgan. “Soğinç”, “Yomğirzor” nomli şeʼriy töplamlari çop etilgan.
“Yoşlik” jurnaliga obuna böling · indeks 822
Obuna haqida