Alişer Navoiy hikmatlaridan
* * *
Barça lazzatni totdim, ofiyatdin çuçukrak şarbat topmadim.
* * *
Agar oting yöqtur, arpa ğamin yemassan.
* * *
Bilki, gadodur tama etgan kişi.
* * *
Mazlumğa baxşoyiş körguzki, zolimdan osoyiş körgaysen.
* * *
Odamiyning yaxşiroği uldurkim, porsovu pok bölğay va haq sözni ayturda bevahmu bok bölğay.
* * *
Vafosizda hayo yöq, hayosizda vafo yöq.
* * *
Ğiybat deguçi – najosat yeguçi.
* * *
Molliğ nodonning demagi, oltunluq çibinning yemagi maʼlum.
* * *
Özi poku közi pokni inson desa bölur.
* * *
Oqil çindin özga demas, ammo barça çinni ham demak oqil işi emas.
* * *
Yolğon aytquçi ğaflatdadur.
* * *
Kişi taʼlimdan topsa malolat, topar ilm ahli ollinda xijolat.
* * *
Kulgu adab tarkiga belgu durur.
* * *
Köp degan köp yangilur.
* * *
Oz demak hikmatqa bois va oz yemak sihhatqa bois.
* * *
Yolğonçi har neça sözida fasihroq, sözi qabihroq.
* * *
Oz demak hikmatqa bois va oz yemak sihhatqa bois.
* * *
Yomonlarğa lutfu karam – yaxşilarğa mujibi zararu alam.
* * *
Ulki buyurub, özi qilmağay – heç kimga foyda va asar aning sözi qilmağay.
* * *
Kulagaç yuzlug xuşaxloq nifoq kuduratidin bölğay yiroq.
* * *
Kimki, qanoatdan erur hujjati, yaxşi-yomonga yöq aning hojati.
* * *
Ulki, el körmagunça bermas, laimdur, saxiy ermas.
* * *
Xöb yirtuq tön bila ham xöb, gul yamoğliq çoponi bila mahbub.
* * *
Sabr bila köp boğliğ iş oçilur, işda oşiqqan köp toyilur, köp toyilğan köp yiqilur.
* * *
Ulki, sözni bir yerdin yana bir yerga yetkurgay, elning ötkan gunohin öz böyniğa indurgay.
* * *
Tabiatka har neki odat bölur, çu eskirdi odat – tabiat bölur.
* * *
Telba quloğiğa pand – quyun oyoğiğa band.
* * *
Közni öz aybingdan olma va özgalar aybiğa köz solma.
* * *
Er kişikim, köp yasanğay, xirad ahli aning aqlidin ösanğay.
* * *
Kişi öz madhin desa, çin doği bölsa nopisanddur.
* * *
Sözi hisobsiz – özi hisobsiz.
Orif Tolib töpladi.
“Yoşlik” jurnaliga obuna böling · indeks 822
Obuna haqida


