558 marta körilgan

Oppoq orzu kabi otib borar tong

Oppoq orzu kabi otib borar tong

***

Katta böliş naqadar qiyin,

Katta böliş naqadar oson.

Senda dard yöq degandim, birdan,

Uvvos solib yiğlading, osmon.

Men toğni toğ desam bir qara,

Köksi töla muz,  qorligini.

Osmon, qaydan bilay men senda

Osmon qadar dard borligini?!

* * *

Demak, mayda odammasman men,

Hayot mayda dardlar  bermadi.

Tekkizmasdan ötdim qoşimga,

Qança-qança gardlar bermadi.

Maşaqqatli yöllarda hamon,

Na zerikdim, çarçadim, toldim.

Çunki sendan yutqazganda ham,

Yutganimdan köp narsa oldim.

***

Menga dakki berganlar haq –

Ulğaysam ham  boladayman.

Köp adaşib söqmoqlarda,

Baʼzan oqni qora deyman.

Gohi sinab, gohi siylab,

Hayot ança yölga soldi.

Qançasida könglim qolib,

Qançasidan könglim qoldi.

Xalqqa eltar, haqqa eltar,

Dildan qilsam duo dedim.

Ğolib bölib Xudo dedim,

Mağlub bölib Xudo dedim.

Nur deb borsam nigohlarning

Tub-tubida xatar sezdim.

Hidoyatsiz kimsalarda

Xiyonatdan xabar sezdim.

Pokiza bir Işq tiladim,

Dunyo, muhabbatga tölgin.

Ayo, Tangrim yuborgan baxt,

Adaşmasdan kelgan bölgin.

Tong

 

Osmon yeçib taşlar qop-qora tönin,

Qiru adirlarga saçrab ketar nur.

Yangi ğunçalarda yangi hayajon,

Maysalar böyniga taqib olgan dur.

Hayqirar hayrixoh xörozlar bunda,

Soatlar baxt uçun urmoqdadir bong.

Zero, mana şunday tunning ortidan

Oppoq orzu kabi otib borar tong.

***

Vodiy tomonlarni eslamay bölmas,

Işqni qon-qoningga qorib boradi.

Quva tomonlarda meni soğinib,

Anorlar köksini yorib boradi.

Silkitar yelpiğiç yaproqlarini,

Majnuntollar kutib, közlari tolgan.

Kuz. Qişloq. Şahardan bolam kelar deb,

Tilla yaproqlarga burkanib olgan.

Ukamga öxşaydi – suyunçi sörab,

Qança darvozaga yugurgan şamol.

Ammo sezilmadi senga taşrifim,

Yo balki, körişmoq keldimi malol?!

Nahot indamasdan yuraversang jim,

Eski suratimni bağringga bosib.

Söng çiqib ketaman araz qilganday,

Safar sumkani tez yelkamga osib.

Xullas, aytilmadi birgina izhor,

Köksim çok-çokidan sökilar edi.

Qolgin, deb poyimga huv daraxtlarning

Tilla yaproqlari tökilar edi…

Ammo tökilmadi köksingdagi söz.

Bu uyda

Bu uyda sen uçun bari muhayyo,

Yaşasang bölgani betaşviş, beğam.

Ammo közlaringni şift tomon qadab,

Qaysi xotiralar qözğatar  alam?

Barini öqib ol, mana yuragim,

Katta dard emasmi, axir, dardsizlik.

Tuşingin, bu uyda haddan taşqari

Zeriktirib qöyar muhabbatsizlik.

***

Yaqin tutib könglimga,

Bobom ekkan deb keldim.

Köpni körgansan foydang

Elga tekkan deb keldim.

Ğanimlarmas könglimni

Men özim ham yeb keldim.

Kaftdaygina soya ber,

Döst bölamiz, daraxtjon.

Bosib ötgan yölimning

Xatolari yöq emas.

Adolatsiz kunlarning

Adolari yöq emas.

Kuygan qulga Xudoning

Atolari yöq emas.

Kaftdaygina soya ber,

Döst bölamiz, daraxtjon!

Xalqning Haq deb bong urgan

Sadosidan ber xabar.

Odamşunoslar köp, lek

Odamlardan bexabar.

Osmonlarda nima gap?

Yer ostidan ne xabar?

Kaftdaygina soya ber,

Döst bölamiz, daraxtjon!

Aytgin-çi, közlarimdan,

Yomğirlar tinmaydimi?

Savol bersam qalbingda

Bir ğaşlik unmaydimi?

Faqat, sening şoxlaring

Boşimda sinmaydimi?

Kaftdaygina soya ber,

Döst bölamiz, daraxtjon!

Şohsanam NIŞONOVA

1995-yili tuğilgan. Özbekiston davlat jahon tillari universitetining xalqaro jurnalistika fakulteti talabasi.

Özbekiston Yozuvçilar uyuşmasi tomonidan “Birinçi kitobim” loyihasida “Iqror” nomli şeʼriy kitobi çop etilgan.

“Yoşlik” jurnaliga obuna böling · indeks 822

Obuna haqida

Izohlar (2)

  1. Baxtiyor

    Ajoyib şerlar!
    Mutaxasis emasmanu, ammo, şerlaringizda dard, oziga tortadigan jhatlari salmoqli.
    Yangi asarlar kutibqolamiz, ijodingizga omad!

  2. Navruz Xayrullayev

    Baraka toping yaxşi şerlar yozibsiz menga yoqdi

Siz nima deysiz?

Izoh tahririyat körib çiqqaç, eʼlon qilinadi.

Oldingi
Keyingi

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.