346 marta körilgan

Soçilib ketaman oğriqqa, şeʼrga…

Tillaniso Eşboyeva

* * *

Kelmang, menda heç narsa yöq,

Topa olmaysiz…

Ruhimda faqat xazonlarning şitirlaşlari…

Men şunday mavhumman, xayolday mavhum

Könglingizga uraman birdan.

Azobman, öziga siğmagan lahza

Soçilib ketaman oğriqqa, şeʼrga.

Tuningizni baribir qilmayman xuşbaxt,

Kuningizda quyoşdek jaranglamasman.

Azobga soçilib sokin tortgan dunyoman,

Yodingizni kezib yurgan xayolparastman.

Kelmang, menda heç narsa yöq,

Topa olmaysiz,

Ruhimda faqat xazonlarning şitirlaşlari.

Tökilib-tökilib sokin tortgan dunyoman.

 

 

SAROSIMA

 

Göyo kimdir kelgan meni söroqlab

Yoki kimdir ketgan manguga taşlab.

Şunday sarosima qöynida bu tun

Hamma narsa ostinustin yurak içida.

Yo sen kelgansan-u, ketgansan zumda.

Sen ruhimni yoqqan mangu sarosimasan.

Men esa siğinib yaşayman oyning nuriga

Va senga doş bergum, ey sarosima,

şu xira yoruğning saboti bilan.

Va men seni sevarman şundoq xatarli,

Har lahza sevarman

Qayğu va quvonçning juda uzun hayoti bilan.

 

 

* * *

Onajon, men şahardan boraman sizga,

Öylarim içidan kelaman yelib,

Men sizga bir sokin dunyo eltaman,

Quyoşlar, daryo, töfonlar

Ul sokin dunyoga urilgan kelib.

Ul daryoga oqqan aççiq yoşingiz,

Ul töfonda mening qahrim, kuraşim,

Bir quyoş sizga heç eltmagan quyoşim.

Men sizga bir sokin dunyo eltaman.

Tillaniso EŞBOYEVA,
Respublika yoş ijodkorlarning Zomin seminari iştirokçisi

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.