347 marta körilgan

Şom kiyar oq-qora tön…

Munisa Aʼzamova

* * *

Barçasi menga yaqin,

Barçasi mendan uzoq.

Yangi oy – kökka tumor,

Yangi oy – yerga tuzoq.

 

Nomozşom çökkan soyga –

Parilar bazmi qizir.

Qaydandir tiniq ohang

Qaygadir kirar sizib.

 

Rangidan keçib ranglar

Şom kiyar oq-qora tön.

Salqinlab baqaçalar

Yötalar öqtin-öqtin.

 

Nimadir yana olis

Va nedir yaqin şunça.

Men bölib ulgurdi şom

Siz tong bölib kelgunça.

 

 

 

* * *

Bu keça ham çalğitib arang,

Çayib oldim uyqu yuzini.

Xasta nurlar bir-bir egilib

Nigohimdan yuksalar zina.

Derazangga urildi şamol,

Soçlarimni örganida oy.

Yulduzlarning qaraşi sirli –

Sen ham uyğoq eding hoynahoy.

Közlarimni yumsam mumkinday,

Közlaringga qarab turişim.

Baʼzan alam qiladi bunga

Keçalarning guvoh bölişi.

Xasta nurlar va öşa zina

Çiqiş, tuşiş qolmaganday farq.

Faqat yerda kutadi meni

Yuzlarini yuvmagan şafaq.

 

 

* * *

Bir tong kelar bedor bölib

Izhor bölib, ham xor bölib

Hislaridan töyib, tölib

Bir tong kelar…

 

Çinmi qulab ketmaganim

Yetmaganim, bitmaganim

Kutib-kutib kutmaganim

Bir tong kelar…

 

Yaşirinib öz rostidan

Köz ostidan, söz dastidan

Şu egasiz jon qasdida

Bir tong kelar…

 

Munisa Aʼzamova,

Respublika yoş ijodkorlarning Zomin seminari iştirokçisi

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.