Mayin misralar
Şeʼrda ohang hamda rang uyğun bölsa, idrokka nihoyatda xuş yoqadi. Göyoki, çiroyligina mevaning ötkir hidi dimoqqa urilganday tuyilaveradi. Yana kim bilsin, ammo kaminaning nazdida Minara Qalbayevaning aytimlari yurak tubidan otilib çiqqani oydinlaşib turibdi. Taʼmi totliğ. Ögirmasi ham tip-tiniq ekan.
Minara – samimiy, köngli oçiq, harakatçan qiz. Men ğaroyib va maşaqqatli söqmoqlarda unga omad hamroh bölişini istayman.
Bahrom Rözimuhammad
* * *
Biram xuş ohanglar tovlanar har on,
Jarangdor torsiz.
Yuragimda jöş urib boradi tuğyon,
Sababi siz borsiz.
Yoqimli körinar közimga dunyo,
Xayolim bir toza.
Özga olamlarda yaşayman göyo –
Kumuş ovoza.
Muhabbat neligin angladim faqat,
Dunyoga boqdim.
Barça tuyğularning sultoni hayrat,
Sel bölib oqdim.
* * *
Bolaligim oppoq qordek pok ekan,
Unda dunyo ertaklardan yaralgan.
Kaftingga tekkanda eriydi tikan,
Hamma joydan işq qöşiği taralgan.
Bugun esa kurtak yozar ziddiyat,
Tuman kabi tarqalibdi öy-xayol.
Ezgulikni qilavergin sen niyat,
Bolalikka goho qaytib bemalol.
* * *
Közlarimni yumib tun oğuşida,
Dam olay deyman-u, tinç qöymas öylar.
Paydo bölibmanmi birov tuşida,
Zumrad yaproqçalar ne haqda kuylar?
Soydan dur topgandek bölaman goho,
Qanday öy? Qanday sir – tuşunolmadim.
Parilar yölimni yoritmiş göyo,
Yulduzlar izidan sira qolmadim.
Nahotki, nahotki çulğagan uyqu,
Ilhomning quşlari uçib ketdimi?
Ohista qanotin qoqmaydi tuyğu,
Menga heç bildirmay fasl ötdimi?
Xazonlar örnini egallabdi qor,
Atrofga qarasam – qamaşar közim.
Ohista qadamin bosyapti bahor,
Bu holni köryapman axir bir özim.
* * *
Tun sokin,
Jimirlaydi ötayotgan kun.
Özi bilan olib ketar xayollarimni.
Jimlik…
Ruhimda şivirlay boşlar ohista
Aksini suv uzra tuşirgan hilol.
* * *
Bola kulsin, quvnab-quvnab öynasin,
Bul dunyoni beğubor deb öylasin.
Baxt ham berar, taxt ham berar Ollohim,
Quyoş şuʼlasiday yonsin nigohim.
Köz oldida izlagani, keragi,
Zarur unga ota-ona tirgagi.
Yiğlamasdan bola ösmas heç qaçon,
Ammo mehr unga bölsin zör qalqon.
Hayot şu-da! Bari silliq keçmaydi,
Baʼzan taşviş libosini yeçmaydi.
Bilingizki, dard kişini qaritar,
Taşvişlarni şöx kulgilar aritar.
Bola kulsin, quvnab-quvnab öynasin,
Bul dunyoni ğuborsiz deb öylasin.
Baxt ham berar, taxt ham berar Ollohim,
Quyoş şuʼlasiday yonsin nigohim.
Minara Qalbayeva
1993-yili tuğilgan. Hozirgi vaqtda Berdaq nomidagi Qoraqalpoq davlat universitetining jurnalistika fakultetida tahsil olmoqda. “Izlayman” şeʼriy va “Orzular oğuşida” nomli hikoyalar töplami naşr etilgan.
Qoraqalpoq tilidan Fotima Abduraimova tarjimalari
2022/9-10
“Yoşlik” jurnaliga obuna böling · indeks 822
Obuna haqida