* * *
Qoraçiqlarimdan uçadi
Polapon musiça – tomçilar.
Çaqinlar bedov ot – oqşomning
Kiftiga naqş solar qamçilab.
Xuş borsin.
Bir quçoq şafaqgul kötarib,
Suratning qöllari çarçagan.
Kunlarni tözğitib yuborib
Oy uçib ketadi dariçadan.
Xuş borsin.
Ertaklar quyilgan qadahga
Lab bosib xayolga çökkan kim?
U hazin jilmayib yaşagan
Tuşlarni nomini yodladim.
Yöllarni fasllar çizmaydi
Yetolmay qismatning qaʼriga.
U çiqib ketadi keçadan,
Bugundan, ertadan nariga.
Xuş borsin.
Oroldagi ayol xirgoyisi
Tanidingmi?!
Tuşlaringda suv paridek suzgan edim,
Tölqin bölib bandlaringni uzgan edim,
Suv çalpitib xayolingni buzgan edim,
Tanidingmi?!
Tanidingmi?!
Men ham maʼyus suv ötiman,
Baliqlarning faryod töla sukutiman.
Yiroqlaşib ketding, diydor hududidan,
Tanidingmi?!
Gohi qarmoq solib bağring tiğlaganman,
Söng baliqçi çoldek öksib yiğlaganman.
Yöling poylab sohilingda uxlaganman,
Tanidingmi?!
Tanidingmi?!
Yillar bizni qartaytirgan,
Qum qoplagan çöllar bizni qartaytirgan.
Axir menman, bir zamonlar eşkak urgan,
Tanidingmi?!
Tanidingmi?!
Bolang edim dalli siyoh,
Söng ulğaygaç yoringday böp körindim goh.
Mohiboyni yutib ketgan, ey, ğayur moh,
Tanidingmi?!
Qaytmaysanmi?!
Böğzim töla “uv-v!” keltirdim…
Öttiz töqqiz ğam yomğirin tiriltirdim.
Men qoşingga uç közada suv keltirdim…
Mayli, böron kötarmasdan ohista,
Jim-m-m qaytmaysanmi?!
* * *
Sizga aytolmayman…
Közyoşlarimda baliqlar suzadi,
Mitti, ğaroyib.
Qaboğim ustida ikkita ilon
Sirğalib har tunda böladi ğoyib.
Yenglarim yaşirar
Barmoqlarimning
Örnida barglari tökilgan şoxlar.
Borliqqa yoyilib ketmasdan avval
Ösib çiqolmadim özimdan – çohdan.
Sizga aytolmayman…
* * *
Boraman.
Bizni adaştirgan yillar oralab
Jingalak soçimga taqasan yalpiz.
Söng ortga qaytaman…
Kimni qoralab
Yolğiz.
Men takror boraman
Bu ne jasorat…
Ötmişga sudrayman vaqt millarini.
Öğirlab qaytaman
Derazangdagi
Baxt gullarini.
O, yana boraman,
Bu qanday tahqir…
Közimdagi bari tomçilar ozod.
Nogoh qöllarimdan tutadi taqdir,
Kişanband etadi jismimni hayot.
Baribir boraman,
Heç bölmaganda
Ruhimni don kabi yutganda bir quş.
Sen titroq kaftingda uşoq tutasan,
Söng uçib ketaman
Qaygadir sarhuş.
* * *
Bu oqşom daraxtlar qimor öynamiş
Oftob rang simirgan barglarin tikib,
Quşlar uyasini qöyib örtaga
Çordona qurgança yoki tiz çökib.
Daraxtlar yoz bilan qimor öynamiş,
Uzoq uvillaydi itlar zorlanib.
Toşsupa ustida ertakka monand
Bir ayol yoşligi borar parlanib.
Yutsam közlarimga tiğday qadalar
Borliqni qoplagan ğamangiz havo.
Falakda bir uya jöjasi bilan
Donlagan tovuqdek kezar Oymomo.
Çöçir hamon yoruğ derazalardan
Devorning örniga qadalgan oğoç.
Bu tungi öyinda issiq fasldan
Asadni yutadi keksa qayrağoç.
Uyqu tölib qolgan jarlik yoqalab,
Hamma öz ortiga jönagani on.
Biroz alam, biroz kibr aralaş
Ovulni tark etib ketar saraton.
* * *
Yomğir böl,
Römolin yuvib ber daştning,
Quyulsang, qizğaldoq kosalari – jom.
Ohangga eş bölib huv oğoçlarning
Vujudiga insin tark etilgan jon.
Yomğir böl,
Sumanbar tuşlar qaridi,
Darz ketdi gullarning közgulariga.
Tomçidek sizib kir, dengizning tuşi,
Toğlarning yiğisi, kulgilariga.
Yomğir böl,
Çaqmoqlar uçdi inidan,
Bulutlar tölqindek boğlandi tunga.
Faqat yomğir bölib eslatiş mumkin
Bahordan olislab ketganin unga.
Yomğir böl…
Madina NORÇAYEVA,
Zulfiya nomidagi Davlat mukofoti sohibasi
1995-yili tuğilgan. Kamoliddin Behzod nomidagi Milliy rassomlik va dizayn institutida tahsil olgan. “Kaftdagi yöl” va “Qumaru” nomli şeʼriy kitoblari çop etilgan. Respublika yoş ijodkorlarining anʼanaviy “Zomin” seminari iştirokçisi (2018).
“Yoşlik” / 2025 / 9
“Yoşlik” jurnaliga obuna böling · indeks 822
Obuna haqida