Mahmud Sa’diy: O‘yla­ganimni aytish payida bo‘ldim

0
74
marta ko‘rilgan.

***

Adabiyotga vijdon ishi deb qaragandagina adib barkamol asarlar yaratishi, hayotning yangi-yangi qatlamlarini ochishi, tirik obrazlar kashf etishi mumkin.

 

***

Kitobdan birinchi maqsad – odamni shaxs sifatida shakllantirish.

 

***

Kitob millatning ko‘zini ochishi kerak. Ko‘zi ochiq odam hayotning baland-pastliklarini to‘g‘ri baholay oladi.

 

***

Haqiqiy yozuvchi o‘zini o‘zi baholay oladi.

 

***

Bizda tarixni xalq yaratadi deb odamning ko‘ziga qum sepib kelindi. Tarixni xalq emas, shaxslar yaratadi.

 

***

Mening tushunishimcha, odam bir kasbni egallashga kirishar ekan, uni ipidan ignasigacha bilib, shu ishning ustasi bo‘lishi kerak, professio­nal bo‘lishi kerak. Agarda inson o‘z sohasida professional bo‘lsa, hayotda qoqilmaydi, qayerda bo‘lsa ham, mehnati orqasidan ro‘shnolik ko‘radi.

 

***

Agar yozuvchining o‘zi shaxs bo‘lmasa, u yaratgan asarlar ham biror qiymatga ega bo‘lmaydi.

 

***

Umr mazmuni — o‘zlikni anglab yashash. Ma’rifatli insongina o‘zini anglab yashashga qodir.

 

***

Bolalarni erkin qo‘ying, sizga o‘xshab fikrlamasa ham.

 

***

Aybim shuki, o‘yla­ganimni aytish payida bo‘laman.

 

***

Qayerdaki axloqsizlik bo‘lsa, axloq buzilsa, o‘sha yerda ma’naviyat tanazzulga yuz tutadi.

 

***

Kun ko‘rish kerak emas, yashash kerak.

 

 

MULOHAZA BILDIRISH

Mulohaza kiritilmadi!
Ismi sharifingizni kiriting.

This site uses Akismet to reduce spam. Learn how your comment data is processed.