2 daqiqada öqiladi

346 marta körilgan

Muhabbat haqidagi mahzun qöşiq

Jamila ERGAŞEVA,

Özbekistonda xizmat körsatgan madaniyat xodimi, yozuvçi:

– “Yurtkezar” – elning dardiga malham bölib yurt kezib yurguvçi oqköngil tabibning navbatdagi bemorini izlab qilgan safari haqidagi möjazgina bir hikoya. U tabib amakisiga safarda yöldoş bölgan jiyan tilidan hikoya qilinadi. Jahongaşta tabib olamni ham, odamni ham çuqur idrok qiladi, bemorga olib boruvçi Katta Maçay qişloği yölidagi tabiat manzaralarining öziga xos ifodalari, tabibni ilondan qutqargan quşlar haqidagi lavha, bemor ayoli uçun yalinib-yolvorib, tabibni boşlab ketayotgan keksa kişini Boysunning ulkan  xazina ekanligi haqidagi fikrlarini eşitiboq, “Bu odam olim odamga öxşaydi”, deya keça uyida durustroq mehmon qilmaganidan xijolat bölganligi ana şu nozik idrokni izohlaşga xizmat qiladi.

Tabib amakiga hamrohlik qilib borayotgan roviy ösprinning tevarak-atrof haqidagi mufassal tasviri öquvçini har qança mahliyo qilmasin, hikoyani öqiş jarayonida köngilda bir mungli, lekin yoruğ muhabbat qöşiği uning qalbiga sizib kiradi. Tabib köp yillar avval şu örtadagi bir amaldorning xonadoniga kelib, qizini körganini, qizning qalbida yaşaş istagi yöqligiga guvoh bölganini hikoya qilib beradi. Manzilga yetgaç, suyagi çiqib, payi çözilgan bemor kampirni davolaş jarayonida uning ziyolinamo gap-sözlari, çolu kampirning yolğiz turmuşlari sinçi tabib bilan birga öquvçini ham beixtiyor huşyor torttiradi.

Muolajadan keyingi ziyofat, izzat-ikromdan söng kuzatgani çiqqan mezbon hikoyaning va öquvçining könglidagi tugunni yeçib yuboradi: kampir işq yölida ota yurtdan şu yerlarga kelib qolgan çeçen qizi edi. Ular institutda birga öqişgan, ne-ne tavallolar bilan ota-onasining roziligini olib, qişloğiga olib kelgan. Qiz bir umr institutning geolog olimasi sifatida şu toğli qişloqda tadqiqot olib borgan. Yor işqi bilan begona yurtlarda umrini ötkazgan poşikasta eriga “Ölsam, yurtimga, otamning poyiga eltib kömasiz”, der ekan. “Siz kasaliga davo topolmagan öşa qiz mening yagona qizim edi. Toşkentda öqidi. Asli çeçen bölgan samarqandlik kursdoşidan köp sovçi keldi. Qaytardim. Özimning Boysunimga beraman, dedim. Ikkisigayam buyurmadi. Öldi-yu, ketdi. Qaynotam aytgiç edi, qiz bolani birinçi va qöymay söraganga ber, şunisi çinbaxt, qolgani badbaxt”.

Roberto Arltning bir gapi bor: “Roman oçkolar bilan yutsa, hikoya nokautlar bilan ğolib keladi”. “Yurtkezar” hikoyasi mana şunday mahzun nokaut bilan xotimalanadi.

Hikoyada muallif eʼtibor qaratişi lozim bölgan kiçik kamçiliklar ham yöq emas. Baʼzi örinlarda qaytariqlar mavjud. Ammo bular hammasi tuzatsa böladigan kamçiliklardir. Muhimi, muallifning dardi va öz aytar sözi bor.

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (195)