2 286 marta körilgan

Dilşod Rajab. Bağri quyoş, oy bu el, yaxşilikka boy bu el

YURT MADHI

Yurtimizdan aylanay,

Tarixiga şaylanay:

Toşkent asli boş şahar,

Bağri nur-quyoş şahar.

Sirdaryo – Gulistonim,

Jizzax – boğu böstonim,

Maydonlarda mard kelgan,

Qaşqadaryo, Surxonim.

Samarqanddan aytaymi,

Yer yuzining sayqali,

Ğurur qöşar köksiga

Temur bobom haykali.

Ilm uyi Buxoro,

Har toşi hikmat, maʼno,

Xorazmning savlatu

Sanʼatiga tasanno.

Qoşi qora, qalbi oq,

Qadrdon qoraqalpoq.

Navoiy nomin olib

Oltin berar bu tuproq.

Farğona-yu Andijon,

Namangan – şohi gulim,

Nomin tilga olsang bas,

Oçilar bahru diling.

Nomi dilga darmonim

Uluğ Özbekistonim.

BAXŞI BOLA

Özbek öğli bölaman,

Kiçik bekman, töraman.

Elim aytgan ölanga

Jör bölaman, jöraman.

Orzudan qanotim bor,

Dil töla bayotim bor.

Elimdan aytar bölsam,

Tilimda novvotim bor.

Bağri quyoş, oy bu el,

Yaxşilikka boy bu el.

Kafti oçil dasturxon,

Saxiy, hotamtoy bu el.

Qalbi qaynar xumçaday,

Zavqi qaynab tinmagay,

Atoyi Xudo, deya

Mehmonlarin siylagay.

Niyatlari pok-asl,

Içda yöq kir-qorasi.

Uning jondan suygani

Dalasiyu bolasi.

Tökib halol terini,

Yaşnatgan yurt-yerini.

Halol topib yedirib

Östirar qiz-öğlini.

Şu el manim, agarda

Barin yozsam daftarga,

Quvonçdan qanot qoqib

Uçadi u kaptarday.

Özbek öğli bölaman,

Kiçik bekman, töraman.

SIÇQONNING ŞIKOYATI

“Siçqon siğmas iniga

Ğalvir boğlar dumiga”.

Xafa bölib ketdim-da,

Buni eşitib juda.

Mazax qilib kulmang, hay!

Kiçik körib jussamni.

Xuddi şohlar qasriday,

Keng uy-joyim bor mani.

Işonmasa kim bunga,

Mayli, kelib qarasin.

Siğdirganman uyimga,

Bir omborning ğallasin.

BOTINKANING ŞIKOYATI

Tepib ötar albatta,

Yerda yotgan har toşni.

Tergaydigan kişi yöq,

Bu betamiz, beboşni.

Oğzim oçilib qolsa,

Tuzatişga chopadi.

Axir usta ungamas,

Mixni menga qoqadi.

XIRMON

Buğdoy ekdi Ketmonboy,

Suğordi, öğit berdi.

Pişib yetilgaç uni

Öroqboy örib berdi.

Xaskaş töpladi barin,

Xöp ham böldi haydalib.

Öroqda yöq… Panşaxa

Hozir böldi qaydandir.

Oğrimagan-da beli

U oç-yupun qolgurning!

Şunça xirmonni kelib

Zumda yelga sovurdi.

QÖLNING TILGA DEGANI

Menikiday mehnatdan

Qaqşamas, yöq suyaging.

Javraysan, öz holiga

Qöymay jağu iyakni.

Gap-söz bölsa qop-qopu,

Işga kelsa, tormoz-da.

Bajarasan har işni

Faqatgina oğizda.

URUŞQOQ BOLAGA

Hoy bola,

Uruş qilma.

Qöllaringni

Muşt qilma.

Bir-ikkisin

Urasan,

Söng-çi, söng

Ne qilasan?

Uçinçisi

Tuşirar,

Tumşuğingni

Şişirar.

Iş tut

Aqlu huş bilan.

Yaşaş qiyin

Muşt bilan.

Dilşod RAJAB – Şofirkon tumanida tuğilgan. Nizomiy nomidagi TDPU filologiya fakultetini tamomlagan. “Otamning boği”, “Daryo köngil”, “Jilvon öğloni”, “Alifbo”, “Sanoq”, “Sukut sarhadi”, “Poyezdning bolasi” kabi şeʼriy va nasriy kitoblar muallifi. Özbekiston Yozuvçilar uyuşmasi aʼzosi.

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.