88 marta körilgan

Közimda ulğayib boradi soğinç…

Mohlaroyim Yöldoşxöjayeva

* * *

Qaragin,

Közimda ulğayib boradi soğinç!

Böronday uvillar içimda bir ğam,

Senga atalmagan maktublarim bor,

Sen uçun tökilgan yoşlar bor, içsang!

Mavjudman yöqlikning köçalarida,

Mavhumsan, köksimdan otilar ökinç,

Ey, nurday yolqinli, kuyday sokinim,

Bemajol vaqtlardan sörayman har keç.

Keç! Keçib ketma, yengilma, tolma,

Mendayin yiqilib qolma, oromim.

Bu ruhimga taskin beruvçi işq bor,

Sen bor va sening-la bir gözal yoding!

Yengilma!

* * *

Nahot…

Xazonlar daydigan köçalarimda

Bahor halinçagin uçirar, nahot.

Dilsiyoh tunlardan terib oladi

Kunlarning rangini sipqorgan Hayot.

Nahot,

Belançakka aylanar dunyo,

Tebratib, çayqatib turar jununim,

Bir sokin qöşiqda oqib ketajak

Borliqni simirib toşgan şuurim.

Nahot…

Izsizliklar kezar izimda,

Izmimda bulutlar, izmimda yomğir?!

Tundlaşib boryotgan qaroqlarimda

Çaraqlab boqsalar közlarim faqir.

Nahot…

Ovozalar, sukutlar oşa

Çopib ketaversa söz degan tulpor,

Jilovin tortmoqqa bir qöl, kuç bormi

Yovqur?!

Nahot, tugamasa,

Nahot, tinmasa,

Içimda çayqalib yotgan ummonlar,

Izlab yursam nahot tölqinlar oşa

“Nahot”lar doyalik qilgan javobni?!

Mohlaroyim YÖLDOŞXÖJAYEVA

 

Özbekiston davlat jahon tillari universiteti talabasi. Özbekiston Yozuvçilar uyuşmasi tomonidan ötkazilgan Respublika yoş ijodkorlarining Zomin seminari iştirokçisi (2021).

2022/11-12

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.