335 marta körilgan

Nurulloh Doston. Bolalik olisda mayin nay çalar

Nurulloh Doston

YOZ KELDI

Yoz keldi-yu, yoz keldi,

Doyra bilan soz keldi.

Uçib ketgan laylaklar

Qanoti qoğoz, keldi.

Tunni qilib tongotar,

Şöx bolalar dong qotar.

Bir tutam yoz tunida,

Dehqon tongni uyğotar.

YOZ

Oydin tunlar pallasi,

Baqalarning yallasi.Handalakning böylari,

Dehqonbuva töylari,

Yozdan darak bermoqda,

Qarang, laylak kelmoqda!

OY ÇÖMILAR ÇAYLADA

Oydin keça pallada,

Oy çömilar çaylada.

Ötar sirli şarpalar,

Tortiladi körpalar.

Möralaymiz unsiz, jim,

Şitir-şitir, kelar kim?

Bu qanday mehmon ekan,

Boqsak, Kirpijon ekan.

TONG SATRI

Tong havosi tozadir,

Köngillarni yozadir.

Qizğaldoqlar raqsida,

Çuçmomalar bahsida

Soçib bahor atrini

Tong yozadi satrini!

YOZ TUNIDA

Öyinqaroq, xuş bölib,

Tunlar ötar tuş bölib.

Bosilar kun hovuri,

Tinar quşlar şovuri.

Böy taratar çeçaklar,

Tun aytadi ertaklar.

OY TÖLA JOM

Bunça maftunkor,

Kuzning yonoği.

Oy töla jomdir

Paxta çanoği.

Şafaqrang boğlar,

Quyoş kalomi.

Şudringlar olis

Bahor salomi.

Bunday pallada

Tilingda baytdir,

Dilingda ne söz –

Şivirlab aytgil…

TONG YÖRGAGI

Oçib tongning darçasin,

Soçdi quyoş zarçasin.

Quşlar boşlar navoni,

Xoniş tutar havoni.

Zamin nurga çayildi,

Kim körgan bu sayilni?

Majnuntollar nozlandi,

Suvga qarab rozlandi.

Yeçildi tun yörgagi,

Boşlandi tong ertagi.

BIZNING DALA

Kanday oydin sahar bu,

Kökda suzgan qamar bu.

Tuş köradi giyohlar,

Uxlab yotar çiroqlar.

Soğinsang şu pallani,

Kezgin bizning dalani!

BUVAMNING hIKOYASI

Eh, bolalik yillari,

Qoldi uzoqda.

Qirğoqda sapçib oqqan

Ul oqizoqda.

Bolalik – bu eng masʼum,

Navoli sozdir.

Bolalik – bu ğoyibdan

Kelgan ovozdir.

Yöllarida poyandoz,

Yaşil maysalar.

Eh, bolalik olisda

Mayin nay çalar.

Çorlaydi qizğaldoqqa

Tölgan dalalar.

Quloğimga Bolalik

Aytar allalar.

Nurulloh DOSTON – 1955-yilda Samarqand tumanida tuğilgan. ToşDUning jurnalistika fakultetini tugatgan. “Yulduzlar çaqnagan tun”, “Bahor raqsi”, “Yöldagi buloq”, “Yuragimning bezovta guli”, “Qadim yöllarda”, “Osmon töla farişta” nomli şeʼriy töplamlari naşr etilgan.

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.