362 marta körilgan

Qismating bol deysan, totganim nedir?

Qismating bol deysan, totganim nedir?

* * *

Yöqotganim nedir?

Topganim nedir?

Osmon deb boşimga yopganim nedir?

Hamma quyoş bölib çaraqlaganda,

Men esa uzlatga botganim nedir?

Soviganim nedir?

Yonganim nedir?

Duşmanni taşvişga solganim nedir?

Xayyomga taqliddan boşlangan qusr,

Men esa baloga qolganim nedir?

Seni köp sevardim, parvoyi falak,

Endi men halakman, muhabbat halak.

Boşkiyimni olib öylab qarasak,

Endi seni yodga olganim nedir?..

Tongda joynamozga boşimni qöyib,

Tunda iymonimni sotganim nedir?

Yengillaşiş uçun şarob simirib,

Oğir xayollarga botganim nedir?

Onajon, men sizni taşlab ketganman,

Otajon, men sizdan ögirganman yuz…

Sizlarni öldirsa mehnat öldirar,

Meni esa görga tiqadi afsus!

Böşang bola edim, katta şaharda

Turtila-turtila qotganim nedir?

Çol-kampir munkillab tinib-tinçimas,

Men oyoq uzatib yotganim nedir?

Xudojon, men senga könglimni berdim,

Qismating bol deysan, totganim nedir?

Dunyoni Kuzatmiş yagona derdim,

Dunyoni kuzatib yotganim nedir?!

Ey!

Ey onamni yiğlatgan hayot,

Ey otamga pand bergan dunyo,

Ey quşlarni öldirgan sayyod,

Ey içimni bulğagan kimyo,

Ey ukamga yetvolgan ajal,

Ey bolamni bözlatgan firoq,

Ey darsligim qatida menga

Vatanimni anglatgan Şiroq!

Yomonligim bildirgan Yaxşi,

Kimligimni körsatgan Yomon,

Ey eng gözal sözga qorişib

çorlab turgan törttala tomon.

Içim dengiz atalsa agar,

rang-u röyi nomaʼlum Ğavvos.

Xirom aylab töy-tomoşada

tomirimni jöştirgan raqqos.

Ey samovar qoşida turib

yuzta-yuzta otgan amaki…

Kundan-kunga öpkamni böğib,

xayolga erk bergan tamaki.

Ey tunlari uyqusin buzib

bolasiga kökrak tutgan yor,

Ey bu damda oyoğin çözib

uxlayotgan xudbin-u aybdor!

Ey masjidga yöl olgan iymon,

Mayxonaga boşlab borgan ğar.

Ayni kuzda, çöpkari uydan

barakamni obketgan quşlar.

“Olib ketgin!” deya, yolvorib

muhabbatdan söz oçgan lablar,

Padariga ming laʼnat bölsin –

Insoniyat qöygan talablar!

Ey xulosa, ey yeçim topib

yakuniga yetgan fikrlar.

Dodlay desam, oğzimni yopib

kelayotgan ikir-çikirlar.

Umrim ötib ketarmi deyman,

“Ey”ni sanab bitirgunça to.

Keyin, keyin men nima deyman?

Nahot ölgan bölsam,

Ey Xudo!

Bek ALI

1992-yili tuğilgan.

Respublika yoş ijodkorlarining Zomin seminari iştirokçisi

“Yoşlik” jurnaliga obuna böling · indeks 822

Obuna haqida

Izohlar (1)

  1. Nuriddin Rasulov

    Ğoyat gözal, faraxbaxş şe'rlar! Öqib maza qildim. Şunday şirlari bor yurtda yaşayotganimdan ularning ijodidan bahramand bölayotganimdan juda mamnunman.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (325)

Ayol

Yigitlar maktubin bitganda qondan,
Kelinlar firoqdan çekkanda yohu,
Uning ham panohi qaytmadi jangdan,
Ön töqqiz yoşida beva qoldi u.