SABZI QÖŞIĞI
Quyon meni, aftidan,
Köproq yeb qöygan çoği.
Böyi ösiş örniga
Ösib ketdi quloği.
Ustozlarga maslahat:
Yurmangiz afsus, deya,
“Quloqsiz” bolalarga
Meni qiling tavsiya.
SARIMSOQ
Döstlarimdan heç biri,
Mos kelmaydi didimga.
Çunki qoçar barisi,
Çidolmasdan hidimga.
Nima qilsam ekan deb,
Juda köp öyga toldim.
Söng bozordan eng xuşböy,
Atirni sotib oldim.
Endi çiqmas noxuş hid,
Çindir aytgan sözlarim.
Keling, endi boşqatdan
Döstlaşamiz, döstlarim.
LAYLAK
Şanba kuni ertalab
Bozorga tuşdi Laylak.
Sotib oldi öziga
Bejirim qizil köylak.
Lekin şimga kelganda
Omadi heç çopmadi.
Öziga mos birorta
Loyiğini topmadi.
EHTIYoTKOR ŞILLIQQURT
Şilliqqurt
Ey silliq qurt,
Nega mudrab yurasan.
Kosaçangni özing-la,
Birga sudrab yurasan?
Men ham hamma qatori,
Yaşay deyman töğridek.
Lekin barça hayvonlar
Tuyuladi öğridek.
Şuning uçun xavfsirab,
Öyga tolib yuraman.
Kosaçamni özim-la
Birga olib yuraman.
Azamat Xudoybergan,
Oliy adabiyot kursi magistranti
“Yoşlik” jurnaliga obuna böling · indeks 822
Obuna haqida