Gustav Flober hikmatlaridan
Agar isteʼdodingni qadrlasang, ommani maftun etadigan vositalar ketidan çopmaysan.
*
Omadsizlikka uçragan yeringda bir ahmoqning muvaffaqiyat qozonayotganini körişdan köra oğirroq kamsitiş yöq.
*
Mavzu tanlanmaydi. Şoh asarning siri şunda: mavzu – yozuvçining mijozi ifodasidir.
*
Umidsizlik – kuçsizlik belgisi. Hafsalasizlarga işonmang – ularning aksariyati zaif böladi.
*
Bahslaşiş tuşunişdan köra osonroq.
*
Fikrning aniqligi ifodaning aniqligiga zamin yaratadi.
*
Yozuvçining butun isteʼdodi oxir-oqibat söz tanlaşi bilan ölçanadi.
*
Ayollar erkaklarni buyuk işlarga ilhomlantiradilar, biroq ularni amalga oşirgani vaqt qoldirmaydilar.
*
Agar reja juda uzoq vaqt va sinçiklab tuziladigan bölsa, u oxir-oqibat yöq böladi.
*
Statistika – noaniq fanlarning eng aniğidir.
*
Vijdonni toza saqlaş uçun uni boşqalarning vijdonidan baland tutiş kerak.
*
Afsuslaniş yaxşi, lekin yomonlik qilmaslik undan-da yaxşi.
*
Yolğizlikni xotiralar bilan töldirib bölmaydi, ular tanholikni çuqurlaştiradi, xolos.
*
Yaxşi yozilgan asar heç qaçon zeriktirmaydi. Uslub – hayotning özi, u fikrlarning yugurik qonidir.
*
Yomon tuşunadigan narsalarini köpinça umuman tuşunmaydigan sözlari bilan tuşuntirmoqçi böladilar.
*
Dramatik sanʼat musiqaga ötgan geometriyadir.
*
Kitob – tirik jon. Begona qöl bilan qilingan har qanday jarrohlik amaliyoti, har qanday özgariş uni mayibga aylantiradi. Balki u yaxşilanar, lekin baribir ilgarigi kitob bölmaydi!
*
Umidsizlanganingda hamişa umid qilişing, umidlanganingda esa şubhalanişing kerak.
*
Anglaş iştiyoqi – yoruğ qalblar uçun buyuk quvonçlar manbaidir.
*
Xotirjam böliş – hazilakam gap emas, bu deyarli baxtli böliş demakdir.
*
Hamma narsa eskiradi, hatto dard ham.
*
Muhabbat baxt berişi kerak. Baxt yöqmi, demak, adaşibsan.
*
Yozuvçi salohiyatining boş belgisi – nimani yozmaslikni bilişidir.
*
Isteʼdodga ega böliş uçun unga egaligingga işonişing kerak
Rus tilidan Orif Tolib tarjimasi
“Yoşlik” jurnaliga obuna böling · indeks 822
Obuna haqida


