3 daqiqada öqiladi

266 marta körilgan

Yurakda yomğirlar tinmas heç…

Sergey Knyazev

* * *

Bu dunyo kitob göyo, şamol varaqlar,

Olis yulduzlardan keltiradi xat –

Neki yoruğ xalq qilingan, mangu çaraqlar,

Neki asli zulmat – kul, tutun faqat.

 

Intilar tongotarga başariy borliğ,

Köklarda tikilgandir kumuşrang gulband –

Neki yoruğ yaratilgan qolgaydir yoruğ,

Neki asli zulmat – xok, kömir faqat.

 

Bu dunyo kitob göyo, şamol varaqlar,

Heç kim tuşunmaydi heç on bu xatga,

Lek yoruğ yaratilgan mangu çaraqlar,

Neki asli zulmat, qaytgay zulmatga.

 

 

 

* * *

Ortda qoldi, yorijon, bari,

Baxtli damga yaqin juda ham.

Yöl olgandir oftob ğarb sari,

Biz şarq sari taşlaymiz qadam.

Mayli bu tun yoğdirsa ham qor,

Qorda izlar körinar yonib.

Muz ostida suv oqadi, yor,

Nasib etsa, içarmiz qonib.

 

 

 

* * *

Yana porlar kumuş jilva tun,

Yana mening tinçim tunalgan –

Olis işqning sokin yoğdusi

Şeʼr daftarim sari yönalgan.

Köz oçadi hislar iboli,

Dunyo demas dunyo oralab,

Faqat unut siymong xayoli

Qay oynalar ortida porlar…

 

 

 

* * *

Şaharda anqiydi tiyramoh…

Daryoda tönğigan oqar suv,

Osmonda bulutlar çökkan çoh,

Titraşar qatorda sözlar duv…

Aççiq haqiqatlar zamoni,

Söngra kelar izma-iz sevinç.

Barglar ufuradi armonni,

Yurakda yomğirlar tinmas heç.

 

 

 

* * *

…Qalb bir toğ söz uyumi ağdarilgan jar,

Ketmas sanʼatda ham, xotirsizlikda…

Heç vaqo yöq – na-da nasr, na şeʼrlar,

Faqat tunlar bordir uyqusiz – sodir etgan

aqlsizliklar…

 

 

ISLOM

 

Muşaf uzra kalomlar yombi,

Karaxt köça, suzadi azon.

Şuʼlalanar kumuş oyning öroği –

Qönğiroqlarga zor emas imon…

Xayoli bir… xaloyiq daryo:

Intil ul Zot ulaşar hikmat.

Ğam-sevinçda, ğazabda dunyo,

Har bandaga tutadi neʼmat…

 

Şu lahzada dil topgan qörğon,

Ğam-ğussaga bu yer beomon…

 

 

 

* * *

Osilganda oy xiyobon kökida

Yelkam oşa nafasini tuyaman,

Uyqu buzar, qahri qattiq, guppi, ğar,

Işonmaydi möjizaga bir manman.

Oynam qoqar şu lahzada gul bahor

Boşqa yonga boqqanimda ul deydi:

“Qaylardadir intiq kezadi dildor…”,

Qisqaradi tunlar bari ham endi…

 

 

 

 

 

 

 

* * *

Irina Goryunovaga

 

Öz uyingda göyo qafasda: sen özingga özingsan mahbus,

Işonç badar, iqbol darbadar, iroda ham közyoşga manxus.

Şart qandayin, şunday bajarmoq bu dunyoda bilganing faqat,

Oynani şart oçasan, paydo soniyada keçgan haqiqat –

Ğimir-ğimir hamişagiday, avto şovqinida ezilgan yomğir…

Hammasiga siltagança qöl – boqar sening kulbangga kimdir.

Qölda qora fonusi bilan yelkasida narvonça uning,

Heç kimdan heç neni söramay, kirib ketar qöyniga tunning.

 

Rus şeʼriyatining nisbatan kenja avlodiga mansub Sergey Vladimiroviç Knyazev qiziqişlari keng, özi tarjimai holida yozganidek adabiyotdan taşqari musiqani sevib, ayniqsa, ötgan asr 60–70-ingliz-amerika, 80-yillar sovet jaz-rok musiqasining muhibi va ijrosisi bölganiga qaramay, uning şeʼriyat yölidagi izlanişlari va yutuqlarida Puşkin, Yesenin va Rubsov anʼanalarini dadil davom ettirayotgani seziladi. Uning söz ohangini, şeʼr jarangini, maʼno zalvorini savqi tabiiy ila çuqur his qilişi bir öquvçi sifatida eʼtiborimni tortdi.

 

Sergey KNYAZEV

1981-yili Moskvada tuğilgan. Rossiya Gumanitar universeti hujjatşunoslik fakultetini hamda A.M.Gorkiy nomidagi Adabiyot institutining oliy ada­biyoti kursini bitirgan. “Kumuş keça” (“Veçer seribritsya”) şeʼrlar kitobi muallifi.

Rus tilidan Vafo FAYZULLOH

tarjimasi.

 

 

 

 

 

 

“Yoşlik” jurnaliga obuna böling · indeks 822

Obuna haqida

Izohlar

Hozirça izoh yöq. Birinçi bölib fikringizni yozing.

Siz nima deysiz?

Izoh tahririyat körib çiqqaç, eʼlon qilinadi.

Şu ruknda köp öqilganlar

Barçasi (164)