Buyuk adib va jamoat arbobi Çingiz Aytmatov hikmatlaridan
* * *
Men inson tabiatni qadrlay bilişi, undan zavq, bahra olişi kerakligini bilaman. Şuni ham tuşunib yetiş kerakki, inson – tabiatning bir parçasi, tabiat unga yaşaş uçun berilgan makon, yaşaganda ham faqat bir marta aql va zavq bilan yaşaşi kerak.
* * *
Inson tabiati şunday yaratilganki, u tez-tez xato qilib turadi: ötkinçi hoyu havasni köpinça haqiqiy Muhabbat deb öylaydi. Asl muhabbat oğriq bilan keladi.
* * *
Inson goh-goh duç keladigan har bir muvaffaqiyatsizlikni baxtsizlik deb hisoblamasligi lozim. Kim biladi deysiz, balki haqiqiy baxt kiçik muvaffaqiyatsizlikdan boşlanar?!
* * *
…Zamindan mahrum qiliş mumkin, boylikdan mahrum qiliş mumkin, hayotdan ham mahrum qiliş mumkin. Lekin inson xotirasiga tajovuz qiliş…
çidab bölmas fojiadir.
* * *
Har bir yangi avlod öz hayotini boşqa mamlakatlarda röy bergan kötariliş, taraqqiyot bilan taqqoslab köradi va tanazzul sabablarini qidiradi. Agar tanazzul sabablarini töğri topsa, endi ötmişdagi xatolarni takrorlamaslikka intiladi, töğri yölga tuşib olişga harakat qiladi.
* * *
Tabiatni qanday qilib asraş, uruşlardan, texnikaviy taraqqiyot keltirib çiqaradigan kulfatlardan himoyalaniş töğrisida boş qotirişdan avval maʼnaviy maʼnoda inson qanday qilib inson bölib qolajagini, nafaqat aql-idrokli mavjudot şaklida emas, balki his qiladigan, vijdonli inson qandoq bölişi kerakligini bilmoq kerak.
* * *
Dunyo inson uçun kerak – odam uning asl mohiyatini tuşunib oliş uçun yaratilgan, şu bois ham dunyo turibdi.
* * *
Baxt degani dillarning uyğunlaşib ketişi degan söz.
* * *
Ezgulik salgina çekinsa – bas, uning örniga darhol yovuzlik mustahkamlanib oladi.
* * *
…Odamlar har xil tillarda gaplaşadilar. Biroq, faqat bitta tilda – yurak deb atalmiş zabonda sevgi izhor qiladilar, quvonadilar, soğinadilar.
* * *
Iroda, matonat yöq joyda sevgi-muhabbat töğrisida gap bölişi mumkin emas. Gohida muhabbat menga qandaydir kompyuter qurilmasiga öxşab körinadi. Agar közga körinmas birorta murvat işdan çiqsa – bas, butun boşli murakkab buyum sariq çaqaga qimmat bölib qoladi.
* * *
Koinot miqyosida inson umri paşşaning umriday gap. Biroq insonga tafakkur ato qilingan, şu narsa uning umrini uzaytiradi. Lekin aksi ham böladi – keskin qisqartiradi ham.
* * *
Faqat milliy, xalqona taʼlim-tarbiya bilan maʼnaviyat, içki madaniyat payvand qilinsagina odamlarni har qanday pastkaşlikdan, tubanlikdan asrab qoliş mumkin.
Husan Maqsudov tayyorladi.
“Yoşlik” jurnaliga obuna böling · indeks 822
Obuna haqida


